Anai lĕ bruă mă tŭ yua ƀrô djơ̆ tal hơdor glăi 64 thun hmâo tơlơi truh sat răm ƀơi Việt Nam. Jơlan hơdră pơtŏng sit tơlơi lăng ba dơlăm mơ̆ng Ping gah, Kơnuk kơna, abih bang glông bruă kơđi čar; lăi nao tơlơi gum hrŏm, dŏng yua yôm phăn mơ̆ng mơnuih ƀôn sang, hơdôm khul grŭp, mơnuih, ƀing thâo khăp pap amăng lŏn ia hăng jar kơmar hmâo gum hrom, djru pơsir anô̆ răm rai mơ̆ng jrao dioxin ngă, bơwih brơi, djru ba mơnuih djơ̆ jrao dioxin.

Hluai tui hơdôm črăn tơlơi adôh suang phara ha jăn plah nao rai hăng hơdôm tơlơi pơhing lăi nao hăng bơkơtuai hăng ƀing djơ̆ jrao dioxin, Jơlan hơdră bơkơtuai tơlơi adôh suang “Tui bơngač mơguah” hăng anăn ñu hluh gah “ĕp bruă mă hăng mut hrŏm”, hmâo lăi pơthâo, bang hyu hơdôm hơdră djru bruă mă ba glăi bôh tơhnal, djru gơyut djơ̆ jrao dioxin yak rơgao tơlơi tơnap, mut hrŏm hăng djop mơnuih./.