Pơphun mơ̆ng ră anai truh abih lơ 19/8 pơ anăp, tal pơplông anai hơmâo 340 čô mơnuih rai mơ̆ng 14 grup gưl tơring čar, ƀôn prong amăng dêh čar.

Ƀing pơplông amra lông lăng amăng 36 mơta tơlơi bơkơtưn pioh kơ ƀing đah rơkơi, đah kơmơi hăng krop mơdua đah rơkơi hăng đah kơmơi, hơdui hrĕ amăng sang hăng hơdui hrĕ gah rơngiao tui hăng tơlơi phiăn pơkă pơplông dua wơ̆t hlơi dưi lĕ dưi hlao. Giong pơphun jơnum, lu khul grup hlong tơgŭ pơplông tui boh yom phun pơkă 600 kg pioh kơ đah rơkơi, 400 kg pioh kơ đah kơmơi hăng 370 kg pioh kơ krop đah rơkơi hăng đah kơmơi ngă hrŏm hơdui hrĕ amăng sang. Thun anai, dưi pơphun ƀơi tơring čar Dak Lak anăp nao kiăng hơdor glăi 80 thun hrơi akŏ pơdong kơnuk kơna lŏn ia Cộng hòa xã hội chủ nghĩa Việt Nam, čơkă mơak jơnum ruah khua ping gah tơring čar Dak Lak tal 18 laih anun anăp nao bruă ngă tui tơlơi jak iâu “Abih bang mơnuih ƀôn sang rơjang drơi jăn tui gru Wa Hô hing ang”.