Bruă mă amăng tal pơdah phim đơ đam dêh čar, pơphun amăng blan 8 hăng blan 9, kiăng pơtô pơblang lu tui, biă mă ñu kơ ƀing čơđai muai brơi thâo hluh kơ gru grua, pran jua gum pơgôp djop djuai ania amăng bruă pơklaih rơngai, akŏ pơdong hăng pơgang lŏn ia. Ƀơi tơring čar Dak Lak, djop anih pơdah phim, sang bruă khua tơhan tơring čar hăng sang hră gưl prong Đại học Tây Nguyên hơmâo pơdah brơi kơ khua mua, ling tơhan hăng čơđai gưl prong laih anun mơnuih ƀôn sang ĕp phim anăn "Bay trên đôi cánh tự do” , “Người đồng hành đặc biệt”, “ký ức Nam Xuân”...