Khánh Hòa čơkă rơdêh por Nordwind mơ̆ng Moscow tơdơi kơ giăm 5 thun pơdơi hĭ
Thứ ba, 11:00, 30/09/2025
VOV/Siu H'Mai pơblang
VOV/Siu H'Mai pơblang
VOV.Jarai - Yang hrơi dong (29/9), ƀơi Graih rơdêh por jar kmar T2 tơdron rơdêh por jar kmar Cam Ranh, Khánh Hòa, Jơnum min mơnuih ƀôn sang tơring čar Khánh Hòa hơmâo čơkă tal por blung a mơ̆ng Moscow mơ̆ng Anom bruă rơdêh por Nordwind Airlines, pok glăi jơlan por mơ̆ng Nga nao pơ Nha Trang tơdơi kơ giăm 5 thun pơdơi.
Ƀơi graih rơdêh por jar kmar T2, 20 čô tuai blung a hơmâo brơi bơnga hăng gơnam pơpŭ. Hơdôm tơlơi adoh suang đưm čơkă ƀing tuai, ngă brơi hrơi mông anai jing mơak mơai biă mă.
Lu tuai hok kơdok, hur har pran jua lơ̆m pơwơ̆t glăi pơ Khánh Hòa, anih juăt čuă ngui hơmâo ia rơsĭ mơtah, čuah tơbung, pơ-iă pơčang hiam. bruă pơphun glăi jơlan rơdêh por por mơ̆ng Nga ƀu kơnong pok glăi glông jơlan hyu ngui jar kmar yom đôč ôh, ăt pơsit Khánh Hòa jing anih čuă ngui mơ-ak, thâo ƀu-eng kơ tuai, anăp nao kual čuă ngui ia rơsĭ hmư̆ hing hloh ƀơi kual Ngŏ Dơnung ASIA./.
Viết bình luận