Amăng hơdră bruă “Blan sem lăng, čuă ngui pơ tơring čar Lâm Đồng thun 2025”, Sang djă pioh gơnam đưm tơring čar Lâm Đồng pơƀuh hăng ƀing tuai wơ̆t hăng mơnuih ƀôn sang amăng tơring thâo gru hiam mơ̆ng djuai ania M’nông hăng Mạ. Ƀơi lan sang prong rơhaih, tơ-ui mơ̆ng sang djă pioh gơnam đưm ƀơi Đà Lạt, ƀing tuai hơmâo sem lăng ƀơi anăp bruă mơñam mrai hăng hmư̆ arăng atông čing.

Mah sum ao arăng tơčoh lui tơket tơkeng yơh amăng rơnuk anai, samơ̆ mơnuih djuai ania M’nông hăng Mạ ăt djă pioh gru mơñam eng ao đưm kah hăng bơngăt gru grua djuai ania. Čing hơgor ƀu kơnong mơñi amăng hrơi ngui ngor ngă yang đôč ôh, ră anai hơmâo bơwih ƀong ƀing tuai dong, tui anun ƀrô hơmâo prăk, ƀrô pơƀuh hyu anŏ yôm gru grua dong. Ră anai tơring čar Lâm Đồng hơmâo rơbêh 127.000 čô mơnuih djuai ania M’nông hăng rơbêh 50.000 čô mơnuih djuai ania Mạ, ăt djă pioh na nao mơn gru grua, tơlơi phiăn, tơlơi ngă yang hiam mơ̆ng đưm.