Hăng mông pơdah rup sui 120 mơnit, hơdră pơdah rup mă anăn “Gah yŭ hla kơ Khom Dưi” pơdah brơi mơnuih ƀôn sang sem hơdôm bruă ngă lăp ƀu thâo wor rơbit hĭ ôh amăng sa rơnuk blah ngă hăng jua phao kơtuang, boh pơtuh ƀôm min. Hơdôm gru kơnăl lăp hơdor pioh amăng 70 thun hlâo adih arăng pơƀuh brơi hăng bruă hơdor glăi pơdah thâo hơdră adoh suang pơhrôp glăi rup rap laih anun pơblang rơđah anŏ yôm lăp kiăng djă pioh. Pơdah rup tô nao rai anăn Gah yŭ hla kơ Khom Dưi či pơđut hĭ hăng bruă mă ƀơk miđai kơ ƀing tơhan hơđăp, ƀing hlăk ai kơsung nao hlâo, mơnuih mă bruă djru kơ bruă pơkra jơlan nao pơ tơdron blah hơmâo pơdah thâo ƀơi 5 bit anih pơdah rup lăng tivi.

Abih amăng 70 thun rơgao, hla kơ tơlơi čang rơmang blah dưi hơmâo pơtrut pran jua ling tơhan hăng mơnuih ƀôn sang ta găn rơgao dua wơ̆t blah ayăt rai sua lŏn ia, kiăng pơklaih rơngai kơ ta pô, tơbiă rai mơ̆ng pran jua thâo gum pơgôp, tơlơi pơmin kơtang kiăng pơblih phrâo bruă man pơdong lŏn ia. Lăp pơ-ư ang hăng đăo kơnang gah yŭ hla kơ ping gah, ƀing ta ba abih pran jua tui gru grua khin hơtai mơ̆ng đưm ƀơi Điện Biên Phủ. Laih anun hla kơ khom dưi jing gru rơđah na nao kơ tơlơi pơmin pran jua, anŏ kiăng mơ̆ng Việt Nam hing ang kơtang pran.