Khua ding jum ơi Tô Lâm lăng yôm bruă ngă hrŏm mơng Sang anih jưh pơ ala dêh čar Thụy Sĩ ƀơi Việt Nam wŏt hăng Khua anih jưh, hơmâo pơgôp yôm phăn amăng bruă pơtrut rô nao rai kơplah wah dêh čar Việt Nam-Thụy Sĩ. Kiăng pơtrut tơlơi rô nao rai ngă hrŏm kơplah wah Ding jum kông ang Việt Nam hăng hơdôm anom bruă phiah phiăn mơng Thụy Sĩ, Khua ding jum ơi Tô Lâm rơkâo, pơ anăp anai, dua bơnah kiăng kơtưn pơbưp nao rai djop gưl; tañ pơphun bơkơtuai hơdôm tơlơi pơkôl dua bơnah kơ bruă ba glăi mơnuih ngă soh hăng pơjao nao rai ƀing ngă soh; akŏ pơjing hơdră bruă ngă hrŏm dua bơnah amăng pơgang, pơgăn ƀing ngă soh. Kơtưn pơlăi nao rai tơlơi găn rơgao amăng ngă tui tơlơi phiăn, pơlăi nao rai tơlơi pơhing hăng ƀing ngă soh, gir run pơgang, pơgăn djop bruă ngă soh bơdjơ̆ nao dua bơnah.