Đĭ pơhiăp amăng mông ngă lơphet, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, Việt Nam hăng Kur lĕ dua boh dêh čar ha guai jê̆ giăm, hơmâo tơlơi rô nao rai gru grua giang mah sui thun, hơmâo djop rơnuk khua mua, mơnuih ƀôn sang dua bơnah pơtrut djă pioh na nao hăng jing tơlơi kông ngăn yôm hrŏm mơng dua boh dêh čar. Ping gah, Kơnuk kơna, Khua pơ ala mơnuih ƀôn sang dêh čar, mơnuih ƀôn sang Việt Nam čang rơmang anom bruă Khua pơ ala mơnuih ƀôn sang dêh čar  Kur jing anih pơdah pran gum pơgôp, giang mah hơđong kjăp Việt Nam-Kur.

Đĭ pơhiăp amăng mông ngă lơphet, Khua git gai pơ ala mơnuih ƀôn sang dêh čar Khuon Sudary pơdah tơlơi pơpŭ bơni prong hloh hăng Ping gah, kơnuk kơna, mơnuih ƀôn sang dêh čar Việt Nam adơi ayong hơmâo dong yua hăng djru brơi bruă man pơdong anom bruă Khua pơ ala mơnuih ƀôn sang dêh čar Kur; brơi thâo anai lĕ anih pơdah pran gum pơgôp, giang mah kjăp phik hăng sui pơ anăp kơplah wah dêh čar Kur - Việt Nam.