Amăng mông jơnum khua mua G20, ƀing khua mua mơng Việt Nam hơmâo mut hrŏm djop bruă mă sit nik mơng tal Jơnum. Khua dêh čar hơmâo 2 tơlơi pơhiăp yôm phăn amăng hơdôm mông jơnum bơkơtuai kơ “bong glăi rin rơpa” hăng “pơđĭ kyar hơđong kjăp hăng pơplih yua apui lơtrik” hrŏm hăng 35 mông bưp dua bơnah hăng ƀing khua mua hơdôm boh dêh čar, djop khul grup jar kmar nao jơnum tal anai. Hơmâo lu bruă mă, ba glăi tơlơi tŭ yua mơng Khua dêh čar, hơmâo pơdah tong ten rup rap Việt Nam hur har, pok phư, jing gơyut gơyâo, dêh čar ngă gŏp đăo gơnang hăng jing ding kơna gơgrong amăng jar kmar.

Amăng tal nao čuă sit nik dêh čar Dominicana, Khua dêh čar ơi Pham Minh Chính hơmâo mông bơkơtuai yôm phăn, tŭ yua hăng Khua mir sir Luis Abinader Corona, mơng anun dua bơnah hơmâo tŭ yap tơlơi pơsit hrŏm pơdah tơlơi gir run mơng dua kơnuk kơna hăng lăi pơthâo hơdôm jơlan gah, hơdră bruă hơmâo dua bơnah tŭ ư kiăng kơtưn ƀiă dong tơlơi rô nao rai gum pơgôp, giang mah hăng ngă hrŏm hiam klă kơplah wah Việt Nam hăng dêh čar Dominicana kơñ pơgi.