Amăng mông ngă lơphet, ƀing khua pơ ala gum hrŏm lok glăi phiăn juăt lơm pơjing hăng pơđĭ kyar tơring čar Dak Lak, tơpă pran jua pơpŭ bơnga, tuĭ ñang, pơdah pran jua hơdor tơngiă ƀing mơnuih ngă hơkrŭ, ƀing dô̆ mơnă yua kơ bruă kơđi čar ƀơi Sang mơnă Buôn Ma Thuột, hơdôm rơnuk git gai, mơnuih apăn bruă, tơhan hăng mơnuih ƀôn sang djop djuai ania Dak Lak ƀu huĭ kơ tơnap, pơsăn drơi pioh pơdŏng hăng pơđĭ kyar tơring čar Dak Lak.

Ơi Lại Đức Đại, Kơ-iăng Khua Gơnong bruă bôh thâo, bơkơjăp drơi jăn hăng tuai čuă ngui tơring čar Dak Lak brơi thâo, ngă lơphet tuĭ ñang lĕ bruă mă tui tơđar dưi pơphun ƀơi Gru grua lŏn ia phara Sang mơnă Buôn Ma Thuột. Thun anai, jơlan hơdră jai tŭ yua lơm pơphun djơ̆ tal hơdor glăi 120 thun Hrơi pơdŏng tơring čar, 84 thun hrơi pơdŏng Ping gah tơring čar hăng anăp nao čơkă mơ-ak hơdôm hrơi ngă lơphet prong mơ̆ng lŏn ia./.