Tơdơi kơ truh pơ̆ Hà Nội mơtăm, Khua mir sir dêh čar Bulgaria Rumen Radev bưp Khul giăng mah Việt Nam - Bulgaria hăng gơyut rơyâo Việt Nam hmâo ha tal pơhrăm, mă bruă ƀơi dêh čar Bulgaria.

Amăng mông bưp, Khua Khul giăng mah Việt Nam - Bulgaria Huỳnh Quyết Thắng hmâo yap glăi hơdôm gru pơđom pioh amăng tơlơi rô nao rai giăng mah, gum hrŏm hơbit hăng gum hrŏm kơplah wah Việt Nam hăng Bulgaria amăng 74 thun rơgao, pơdah pran jua mơ-ak lăng ƀuh tơlơi rô nao rai kơplah wah Việt Nam hăng Bulgaria glăk djă pioh rơnoh đĭ kyar kơtang klă hiam, amăng lu bruă pơtom hiăp, pơtô pơhrăm, sĭ mơdrô, tuh pơplai. Khua mir sir dêh čar Bulgaria pơsit yôm lu bôh than mơ̆ Việt Nam dưi ngă amăng hơdôm hrơi rơgao, hrŏm hăng anun lăi rơđah, tơlơi rô nao rai dua bôh dêh čar glăk ƀu pơdơi pơtrut kơtang amăng lu bruă./.