Khua ping gah mơnuih ƀôn sang Kur, ơi Hun Sen lăi, dêh čar Kur amra ƀu wor rơbit ôh tơlơi djru ba mơ̆ng Việt Nam amăng thun blan tơnap tap hloh hlâo adih, ăt kah hăng ră anai. Ƀơi anăp kơ tơlơi lông lăng hrŏm lơ̆m kual hăng ƀơi rŏng lŏn tơnah ră anai, dua boh dêh čar jai kiăng gum hrŏm tong ten hloh amăng bruă kơđi čar, bơwih ƀong huă, sĭ mơdrô, pơgang lŏn ia.

Khua git gai pơ ala mơnuih ƀôn sang dêh čar ta ơi Trần Thanh Mẫn lăi pơtong, Ping gah, Kơnuk kơna Việt Nam lăng yom hăng đing nao hlâo hloh brơi kơ bruă ngă kơjăp tui tơlơi pŭ ƀăn dua bơnah dêh čar jĕ giăm ieo gah kiăng ngă hrŏm hlom bom kơjăp hloh Việt Nam hăng Kur, yua kơ tơlơi tŭ yua, rơnuk rơnua, hơđong, ngă hrŏm hăng pơđĭ kyar amăng kual laih anun amăng rŏng lŏn tơnah. Khua git gai pơ ala mơnuih ƀôn sang dêh čar ta rơkâo, dua bơnah ăt pơblih tui bruă mă, pơphun lu hơdră pơtô lăi pioh kơ mơnuih ƀôn sang dua bơnah, biă mă ñu hăng djop rơnuk hlăk ai dua bơnah thâo hluh tơpă, djơ̆ hơnơ̆ng kơ tơlơi gum pơgôp giăng mah, pŭ ƀăn đơr hơr plah wah Việt Nam hăng Kur.