Hơmâo giăm 30 bruă mă anet prong, tal nao čuă mơ̆ng khua git gai pơ ala mơnuih ƀôn sang dêh čar ta tŭ yua hiam klă. Amăng tal nao čuă sit nik dêh čar Kur, ơi Trần Thanh Mẫn hơmâo bưp ơi pơtao dêh čar Kur Norodom Sihamoni; bưp khua git gai ping gah mơnuih ƀôn sang dêh čar, khua pơ ala gơnong dlông ơi Hun Sen; bưp khua dêh čar Kur ơi Hun Manet; jơnum bơkơtuai hăng khua pơ ala mơnuih ƀôn sang dêh čar Kur,Samdech Khuon Sudary....

Ƀơi mông jơnum bơkơtuai nao rai, dua čô khua pơ ala lăi lĕ, dua bơnah sang bruă khua pơ ala mơnuih ƀôn sang dêh čar ăt pơđĭ tui tơlơi gơgrong ba jing anom bruă čih pơkra tơlơi phiăn pơtrut ngă hrŏm dua bơnah rô nao rai mơak hloh; krăo lăng, pơtrut ngă tui mơ̆ng djop ding jum anom bruă, tơring čar, sang bruă sĭ mơdrô pok pơhai tong ten hloh djop hră kĭ pơkôl, hră ƀuăn, hră bơ tŭ ư nao rai pơthâo tơlơi pơhing, kah pơpha bruă mă, tơlơi thâo thâo tom găn rơgao mơ̆ng sang bruă khua pơ ala mơnuih ƀôn sang dêh čar mă bruă tŭ yua  hloh, boh nik ñu amăng bruă akŏ pơdong kơnuk kơna, čih pơkra tơlơi phiăn hăng krăo lăng ngă tui tơlơi phiăn, djru pơsit djop bruă mă yom kơ lŏn ia.