Khua mir sir ơi Lương Cường tŭ jum Khua pơ ala mơnuih ƀôn sang dêh čar Armenia
Thứ năm, 10:42, 21/11/2024
VOV/Nay Jek pơblang
VOV/Nay Jek pơblang
VOV4.Jarai-Tlam tom brơi, lơ 20/11, ƀơi Anom khua mir sir, ơi Lương Cường Khua mir sir hơmâo mông tŭ jum Khua git gai pơ ala mơnuih ƀôn sang dêh čar Armenia ơi Alen Simonyan amăng tal rai čuă jơmư sit nik Việt Nam.
Khua mir sir ơi Lương Cường lăi pơtong Việt Nam lăng kơ bruă ngă giăng mah gru grua hăng gum hrŏm lu mơta hăng hăng dêh čar Armenia, dưi hơmâo lu gưl khua mua hăng mơnuih ƀôn sang dua bơnah pơbŭ đĭ hăng man pơdong.
Kiăng pơtrut tui bruă ngă hrŏm dua bơnah dêh čar pơđĭ kyar kơtang hloh, Khua mir sir rơkâo dua bơnah kơtưn hloh, pơtruh nao rai pơblih khua mua čuă jơmư djop gưl, ngă tui djop plang tơlơi pơhing kiăng pơkơjăp tui bruă đăo kơnang kơđi čar; pơtrut kơtang ngă hrŏm bơwih ƀong huă, sĭ mơdrô, tuh pơ alin, pơtrut jĕ giăm mơnuih ƀôn sang dua bơnah, pơtrut tuai čuă ngui, pơtruh nao rai hăng djop tơring čar.
Viết bình luận