Amăng tơlơi pơhiăp mơ̆ng pô, Khua dêh čar ta ơi Phạm Minh Chính pơtŏng sit glăi, hơdră pơtrun ha sa, hluh gah kơ pơđĭ kyar kơjăp phik hăng pơkôl mơ̆ng Việt Nam lĕ ƀu pioh rơngiă tơlơi hơđong tơlơi hơdip mơda, pơplih phrâo, dưm kơnar kơnuk kơna djop mơnuih mơnam dưm kơnar hăng pơgang anih anom dô̆ pioh đuăi tui đĭ kyar bơwih ƀong amuñ amĕ ôh.

Khua dêh čar lăi rơđah, rim bruă ngă mơ̆ng ƀing ta ră anai leng kơ pơsit bưng bôt mơ̆ng hơdôm rơnuk pơgi kơdih anai. Hăng tơlơi pơmin anun, Việt Nam pơkôl amra gir run abih pran jua pô hrŏm hăng hơdôm bôh dêh čar, bơnah gum hrŏm, khul jar kơmar pơkôl hrưn đĭ ngă tui tơhnal ba tơbiă brơi pơwot glăi djah sat truh 0 hlâo kơ thun 2050, djru kơ pơđĭ kyar mơ̆ng sa rơnuk mơtah, agaih, klă hiam, kơjăp phik, yua kơ pơgi kơdih mơ̆ng hơdôm rơnuk tơdơi anai./.