Tơdơi kơ mông ngă lơphet čơkă yôm phăn, Khua dêh čar ta ơi Phạm Minh Chính hăng Khua mir sir ơi Luis Abinader Corona hrŏm hăng grŭp khua pơ ala gưl dlông dua bôh dêh čar hmâo bơkơtuai laih.

Amăng mông bơkơtuai, dua bơnah tŭ ư hrŏm khom pơtrut đĭ hloh dong lăi pơthâo nao rai, bưp nao rai gưl dlông hăng hơdôm gưl, amăng abih bang glông bruă Ping gah, Gong gai, Khua pơ ala mơnuih ƀôn sang, gum hrŏm tơring čar, ƀôn prong hăng bơkơtuai mơnuih ƀôn sang kiăng hơkrŭ đĭ phun akha rô nao rai bruă kơđi čar, kơtưn thâo hluh nao rai tơdruă, pơjing gru than kơjăp phik pioh pok prong hăng pơđĭ dlông bôh tơhnal rô nao rai gum hrŏm dua bơnah. Lăi pơthâo nao rai hơdôm tơlơi ƀơi kual hăng jar kơmar hơdai bơđing nao, dua bơnah tŭ ư hrŏm dŏng yua bruă pơsir hơdôm tơlơi ƀơi kual hăng jar kơmar hăng hơdôm bruă mă mơ-ak klă, ngă tui tơlơi phiăn jar kơmar, biă ñu Phiah phiăn Sang gum hơbit djop dêh čar hăng Tơlơi pơkôl Sang gum hơbit djop dêh čar kơ Tơlơi phiăn ia rơsĭ thun 1982./.