Tal nao čuă tŭ yua yôm phăn biă, anun lĕ yak nao rơđah jơlan pơtom hiăp mơ̆ng Jơnum Ping gah tal 13, djru pơtrut pran gum hrŏm hơbit kơplah wah ƀing ding kơna ASEAN, pơdah hơdră bruă pơtom hiăp ha sa mơ̆ng Việt Nam lăng yôm tơlơi rô nao rai iao gah giăng mah hăng Bơnah gum hrŏm khom ngă hăng Malaysia. Yap mơ̆ng hrơi dua bơnah pơđĭ dlông tơlơi rô nao rai gum hrŏm khom ngă thun 2015, prăk pơhrui glăi mơ̆ng gơnam sĭ mơdrô nao rai dua bơnah đĭ mơ̆ng rơbêh 8 klai đolar Mi amăng thun 2014 truh rơbêh kơ 14 klai dolar Mi thun 2022 hăng anăp nao prăk pơhrui glăi mơ̆ng gơnam sĭ mơdrô nao rai dua bơnah hmâo 18 klai dolar Mi pơ̆ anăp anai.

Tal nao čuă pơphun hlâo kơ tal hơdor glăi 10 thun tơlơi rô nao rai gum hrŏm khom ngă, Khua git gai Ping gah dêh čar ơi Tô Lâm pơkă hlâo amra gum hrŏm hăng ƀing khua mua gưl dlông Malaysia bơkơtuai kơ tơlơi rŏng lŏn tơnah, amăng kual, nao dơlăm lăi pơthâo nao rai, pơsit lu jơlan gah, bruă pơsir prong pơtrut tơlơi rô nao rai dua bôh dêh čar truh tơhnal dlông phrâo, hơđong, sit nik hăng ba glăi bôh tơhnal hloh amăng hơdôm hrơi pơ̆ anăp./.