Hơmâo 60 čô čơđai sang hră hơmâo mă pri amăng hơdôm tal ruah čơđai hrăm rơgơi gưl 3 thun 2023-2024 pơ-ư pơ-ang hơmâo mă Hră apah bơni mơ̆ng Khua ding jum pơtô hăng pơjuăt. 31 čô nai pơtô rơgơi bruă pơtô brơi ƀing čơđai hrăm rơgơi hăng 26 čô čơđai hơmâo mă pri ia mah amăng tal pơplông Olympic 30 blan 4 hơmâo mă Hră bơni yua Jơnum min mơnuih ƀôn sang tơring čar brơi.

Rơngiao kơ anun dong, Jơnum min mơnuih ƀôn sang tơring čar Dak Lăk ăt brơi Hră bơni kơ nai pơtô, čơđai sang hră rơgơi amăng tal pơplông Trạng nguyên Tiếng Việt pioh kơ čơđai sang hră gưl sa, Tơlơi pơplông “Čơđai sang hră gưl anet, gưl prong hăng tơlơi pơčeh pơphun bruă bơwih ƀong” laih anun Tơlơi pơplông “Pơčeh boh thâo kĭ thuâ̆t pioh kơ čơđai sang hră gưl dêh čar”.