Hơdôm thun laih rơgao, bruă hrăm hăng hla tui tơlơi pơmin pran jua, bruă mă mơ̆ng Hồ Chí Minh jing bruă hơmâo ngă na nao laih, hlong ngă mă pô mơ̆ng djŏp gưl, anom bruă. Mơ̆ng anun, pơtrut tui bruă bơwih ƀong - mơnuih mơnam ƀơi tơring čar tañ rŭ glăi tơdơi kơ klin covid-19.

Bruă akŏ pơjing, pơplih klă tui Ping gah hăng anom bruă čar hơmâo ngă lu mơn. hrŏm hăng anun, tơring čar pơplih anom bruă kơnuk kơna, bruă ngă hră pơ-ar, gơgrong bruă hloh; gir pơplih phrâo bruă wai lăng, pơđĭ tui boh tŭ yua amăng hơdôm anom bruă kơnuk kơna bơwih brơi mơnuih ƀôn sang. Hơmâo laih hơdôm rơbâo hơbô̆ bruă tŭ yua, pơčeh phrâo ƀơi djŏp bruă mă. Ƀơi mông jơnum, Ping gah, Jơnum min mơnuih ƀôn sang tơring čar Gia Lai hơmâo brơi 21 pok hră bơni kơ khul grup hăng 29 čô mơnuih rơgơi bruă hrăm hăng hla tui tơlơi pơmin pran jua ngă bruă mơ̆ng Hồ Chí Minh.