Tơring čar pơkă hnong truh abih thun 2024 pơđĭ tui 3.117 hektar glai klô. Ƀơi mông jak iâu pla kyâo, pơphun ƀơi plơi prong Gia Nghĩa, ơi Lê Trọng Yên, Kơ-iăng Khua jơnum min mơnuih ƀôn sang tơring čar Dak Nông iâu pơthưr djop gưl anom bruă, djop sang bruă khul grup mơnuih tơpuôl laih anun ană plơi pla brơi thâo hluh, hur har hloh pla kyâo hăng pơgang ayuh hyiăng anih hơdip jum dar, pơgang phun kyâo hơmâo anŏ tơ-ui mơtah mơda hiam klă, đah mơ̆ng dưi bong glăi anŏ pơblih ayuh hyiăng lŏn tơnah rơngit adai.

Giong jơnum jak iâu, khua mua tơring čar Dak Nông hrŏm hăng tơhan djop sang bruă hăng mơnuih ƀôn sang pla 1000 phun kyâo giăr jŭ, phun hrăi, phun djrao ƀơi kual giăm hang dơnao ia pơkong, sang măi drai apui lơtrik Dak Rtih, phường Nghĩa Tân, plơi prong Gia Nghĩa. Hrơi anun mơ̆n, djop gơnong bruă, plơi pla amăng tơring čar Dak Nông pơphun pla kyâo ngă tui tơlơi jak iâu “Têt pla kyâo hơdor na nao kơ Wa Hồ”. Ƀrô tal anai, amra hơmâo rơbêh 32.000 phun kyâo dưi pla amăng đơ đam tơring čar.