Tui anun, Khua dêh čar kiăng hơdôm ding jum, anom bruă mơ̆ng gơnong dlông, Jơnum min mơnuih ƀôn sang hơdôm boh tơring čar, ƀôn prong git gai črâo bruă rơđah rơđông, tong ten hơdôm tơlơi pơkôl pơkă, tơlơi pơhing khŏm tañ, hmao kru, djŏp mơta; khut khăt ƀu dưi ngă amưng, ngă gêh gal brơi ƀing čơđai nao pơplông.

Jơnum min mơnuih ƀôn sang hơdôm boh tơring čar ƀôn prong prăp lui djŏp mơta mơ̆ng mơnuih mă bruă, gơnam yua, hơdôm tơlơi kiăng pơkŏn dong đah mơ̆ng pơphun pơplông klă, biă ñu hơdră pơgang adai ƀu lăp tui hăng ră anai, tơlơi truh ƀu hmao thâo. Ngă gêh gal brơi bruă nao rai, ƀong huă, đih pơdơi mơ̆ng ƀing čơđai wơ̆t hăng sang anŏ kiăo tui ƀơi hơdôm anih pơplông, biă ñu lĕ čơđai sang anŏ ƀun rin tơnap tap, kual ataih yaih, kual mơnuih ƀôn sang djuai ƀiă, kual čư̆ siăng, bul pơtâo plao ia rơsĭ./.