VOV.Jarai - Tơlơi pơhing phrâo kơnôl 23-10-2026 - Khua ping gah, Khua mir sir ơi Tô Lâm jơnum tom Khua khul wai lăng kual Mi Kô̆ hăng Khua Jơnum min kual Mi Kô̆. - Khua pơ ala mơnuih ƀon sang pơčrông sai hơdră ba lŏn ia ta đĭ kyar hmar hloh amăng thun tơdơi. - Dak Lăk pơphun bruă 30 hrơi ngă djơ̆ tui hơnong pơkă pla sâu riêng VietGAP. - Khua Jơnum min mơnuih ƀon sang tơring čar Lâm Đồng pơhiăp tom ƀing hlăk ai tơdăm dra, pơklaih brơi akŏ tơnap lơ̆m ngă bruă bơwih ƀong, djru hơmâo bruă ƀơi ƀon lan. - Ră ruai kơ tơlơi pơhing glăk hơmâo: Dak Lăk ĕp hơdră pơtrut anŏ tŭ yua hră mrô pơčrâo anih pla, pơkra gơnam ba sĭ pơ tač rơngiao.

VOV.Jarai - Tơlơi pơhing phrâo kơnôl 22-10-2026 - Khua ping gah, Khua mir sir bưp ƀing khua, mơnuih mă bruă anom bruă pơ ala dêh čar Việt Nam ƀơi dêh čar Bỉ hăng ƀing pơ ala mơnuih ƀon sang Việt Nam ƀơi kual Mi Kô̆. - Hrơi anai, ƀing khua pơ ala mơnuih ƀon sang dêh čar pơčrông ƀơi grup kơ 3 tơlơi phiăn: Tơlơi phiăn lŏn sang đang hmua (čih pơkra glăi), Tơlơi phiăn Sang dŏ (čih pơkra glăi) hăng Tơlơi phiăn Sĭ mơdrô lŏn sang đang hmua (čih pơkra glăi). - Dak Lăk pơmut KPI hăng tơlơi gơgrong bruă mơ̆ng rim čô khua Jơnum min mơnuih ƀon sang tơring čar truh pơ să, phường. - Ră ruai kơ tơlơi pơhing glăk hơmâo ƀơi rơnuč, lăi nao hơbô̆ bruă “Blan hmư̆ ană plơi pơhiăp” ƀơi Dak Lăk pơsir brơi hơdôm bruă mơ̆ng plơi pla.

VOV.Jarai - Tơlơi pơhing phrâo kơnôl 21-10-2026 - Khua ping gah, Khua mir sir ơi Tô Lâm pơčrông sai hăng Khua dêh čar Đan Mạch, yă Mette Frederiksen. - Mơguah anai (21/10), Khua mua pơ ala mơnuih ƀon sang dêh čar bơkơtuai ƀơi Grup, kơ Tơlơi phiăn čih pơkra glăi, pơhrua tui hơdôm tơlơi mơ̆ng Tơlơi phiăn pơgang anŏ pơglăi răm ƀăm mơ̆ng hot djŭp hăng hơdôm tơlơi phiăn pơkŏn. - Khua mua pơ ala mơnuih ƀon sang tơring čar Dak Lăk tal 11 pơsit mă yua Hră pơtrun hơdră ngă pơhưč, djru pơtô pơjuăt, iâu pơmut mơnuih mă bruă rơgơi rơwang thun 2026-2031.

VOV.Jarai - Tơlơi pơhing phrâo kơnôl 20-10-2026 -Khua ping gah, khua mir sir ơi Tô Lâm đĭ pơhiăp lăi kơ jơlan hơdră Sang hră gưl prong Copenhagen, dêh čar Đan Mạch -Khua dêh čar ơi Lê Minh Hưng, Khua pơ ala mơnuih ƀôn sang dêh čar ơi Trần Thanh Mẫn bưp ƀing khua pơ ala mơnuih ƀôn sang dêh čar jing ƀing đah kơmơi hrơi -Dak Lak ƀuh dơ̆ng hăng rŭ kuai mă 2 per tơlang tơhan pơsăn drơi ƀơi čư̆ Yang Sing -Bơră ruai tơlơi pơhing hlăk hơmâo ƀơi rơnuč črăn tơlơi pơhing lĕ, lăi nao hrơi mơak jơnum pơdă, lăi pơthâo gơnam sĭ mơdrô djă anăn OCOP hăng kông ngăn mơ̆ng ƀing đah kơmơi Gia Lai.

VOV.Jarai - Tơlơi pơhing phrâo kơnôl 19-10-2026 - Khua git gai Ping gah, Khua mir sir ơi Tô Lâm nao čuă sit nik dêh čar Đan Mạch, EU hăng dêh čar Bỉ. - Khua dêh čar ơi Lê Minh Hưng jơnum bơkơtuai hăng Khua dêh čar Leichtenstein. - Gia Lai klơi rŭ đĭ 2 per tơlang tơhan thâo krăn anăn ƀơi tơdron ngă hơkrŭ kual 10. - Ngă tui tơlơi pơtrun mrô 72 mơng Ding jum kơđi čar, rơbêh 2,5 klăk čô mơnuih ƀôn sang Dak Lak nao khăm soh sel. - Bơră ruai tơlơi pơhing glăk hơmâo ƀơi rơnuč tơlơi pơhing, lăi nao mơnuih ƀôn sang ruah khua kual Dap kơdư-Dơnung tong krah čang rơmang hơdră bruă tañ mut amăng tơlơi hơdip hluai tui jơnum lok 2, Khua pơ ala mơnuih ƀon sang dêh čar tal 16.

VOV.Jarai

VOV.Jarai Khua ping gah, Khua mir sir ơi Tô Lâm hrŏm hăng Khul khua pơ ala mơnuih ƀôn sang dêh čar ƀơi Hà Nội ngă bruă hăng ƀon prong hlâo kơ mông jơnum lok 2, Khua pơ ala mơnuih ƀon sang dêh čar tal 16. Khua pơ ala mơnuih ƀon sang dêh čar ơi Trần Thanh Mẫn tŭ jum Ding kơna git gai ping gah Mơnuih ƀôn sang ngă hơkrŭ dêh čar Lao. Sang bruă khua tơhan hơdôm boh tơring čar Dak Lăk, Quảng Ngãi hyu ĕp, kuai rŭ đĭ tơlang tơhan djai pơsăn drơi kơ lŏn ia hrŏm hăng gơnam pơtui. Kơnuk kơna Mi djru ba mơnuih drơi jăn ƀu klă, rơwen rơwô jô găng ƀơi Gia Lai hăng Quảng Ngãi. Ră ruai kơ tơlơi pơhing glăk hơmâo, ƀơi rơnuč tơlơi pơhing, pôr pơthâo mông jơnum klah čun Bruă mă Hlăk ai djru bruă bơyan pơdơi prong hăng Bruă mă 44 hrơi mlăm “Hlăk ai Dak Lăk nao hlâo ba yua boh thâo mrô”.

VOV.Jarai Ding jum kơđi čar, Khul git gai Ping gah dêh čar pơphun hruă kjăp hăng pok pơhai ngă tui 6 bruă phun phara amăng Jơnum gơnong glông lok 4 tal XIV. Ling tơhan Việt nam-Lao-Kur pơphun pơtop hrăm hrưn đĭ klă kơ bruă gum hrŏm pơhlôm pơgang hơjan kơthel. Bruă ngă hmua ƀơi kual Dap kơdư hăng ter hang ia rơsĭ Dơnung tong krah tŏ tui pơđĭ kyar hơđong, rơnoh kơphê truh rơbêh 6,5 klai đôlar Mi. Bơră ruai tơlơi pơhing glăk hơmâo: Gia Lai kiăng tañ ba đuăi mơnuih ƀôn sang mơng čư̆ Một tơbiă mơng kual lŏn tơhroh.

VOV.Jarai. Khua dêh čar ơi Lê Minh Hưng nao pel ĕp hơdôm ring bruă pơđoh đuăi ia hăng pơhlôm hlâo ia dăo ƀơi ƀôn prong Hồ Chí Minh. Khua git gai pơ ala mơnuih ƀôn sang dêh čar ơi Trần Thanh Mẫn tŭ jum Khua git gai Ping gah tơring čar Thiểm Tây, dêh čar Khač. Ding jum kông ang pok man pơdong sang dŏ mơnuih mơnam brơi tơhan kông ang ƀơi Gia Lai. Khua anom hơdră bruă, bruă yôm phun gơnong glông Nguyễn Thanh Nghị bưp mơnuih ƀôn sang ruah khua ƀơi tơring čar Dak Lak. Bơră ruai tơlơi pơhing glăk hơmâo ƀơi rơnuč tơlơi pơhing lăi pơthâo mơnuih ba gru ơi Lê Tùng Linh dŏ ƀơi să Trường Xuân, tơring čar Lâm Đồng sa amăng 96 mơnuih hơmâo pơpŭ jing mơnuih ngă hmua Việt Nam thâo rơgơi 40 thun pơplih phrâo.

VOV.Jarai Khua ping gah, Khua mir sir ơi Tô Lâm bưp ƀing bơwih ƀong sĭ mơdrô rơgơi ƀrô Hrơi pơpŭ kơ mơnuih bơwih ƀong sĭ mơdrô rơgơi Việt Nam. Khua dêh čar ơi Lê Minh Hưng kiăng pơhlom apui lơtrik đah mơ̆ng dưi đĭ kyar bơwih ƀong. Khua anom khul jơlan hơdră ngă bruă akŏ phun mơ̆ng Gơnong dlông ơi Nguyễn Thanh Nghị bưp mơnuih ƀôn sang ruah khua tơring čar Dak Lăk. Gia Lai akŏ pơjing grup kơsem min tong ten đah mơ̆ng hyu ĕp, kuai rŭ tơlang tơhan djai drơi kơ lŏn ia tañ hloh. Ră ruai kơ tơlơi pơhing glăk hơmâo ƀơi rơnuč: Dak Lăk pơsit khul mơnuih bơwih ƀong mơdrô yơh yom hloh đah mơ̆ng dưi hơmâo rơnoh bơwih ƀong đĭ kyar 2 mrô.