VOV.Jarai-Khua ping gah, Khua mir sir ơi Tô Lâm git gai Jơnum pơsit brơi hră pơthâo glăi bruă pel ĕp, krăp lăng tal 3 hăng Jơnum min apăn bruă phun Ping gah ƀôn prong Hà Nội. - Kơ-iăng khua dêh čar ơi Phạm Gia Túc pơhmư̆ mông Jơnum khua mua pơprong sĭ mơdrô hăng tuh pơ alin ASEAN - Khač. - Khul pel ĕp, krăp lăng mrô 230 mơ̆ng Ding jum kơđi čar, Khul khua git gai ping gah ngă bruă hăng Khul apăn bruă phun ping gah Gia Lai. - Ră ruai kơ tơlơi pơhing glăk hơmâo ƀơi rơnuč, lăi nao kơ bruă Dak Lak anăp nao djru čơkă tuai amăng plơi pla klă, dlăm hloh.

VOV.Jarai-Khua ping gah, khua mir sir ơi Tô Lâm git gai jơnum pơsit boh tơhnal ĕp lăng bruă mă mng Khul khua mua apăn bruă phun ping gah sang bruă khua pơ ala mơnuih ƀôn sang dêh čar -Khua dêh čar ơi Lê Minh Hưng git gai jơnum pwočrong tong ten sa hnơ̆ng bruă čih pơkra tơlơi phiăn dêh čar -Dak Lak jơnum pơčrong kơ bruă pôr tơlơi pơhing pơtom hiăp, pơtô ba tơlơi dưi ngă pô ƀơi guai dêh čar -Tơring čar Lâm Đồng brơi ngă hmar hloh man pơdong sang hră đôm lăm kơnuk kơna čem rông ba čơđai sang hră dua gưl ƀơi să Dak Wil -Bơră ruai tơlơi pơhing hlăk hơmâo mông anai lăi nao: Tơring čar Gia Lai hăng tơhnal pơkă pơđĭ kyar 7.500 hektar phun pla pơkra jrao akha kyâo, lir hơbit hăng bruă pơgang glai klô kông ngăn lơ̆n mơnai hăng pơsir tơlơi bơwih ƀong huă hơđong kơ mơnuih ƀôn sang plơi pla

VOV.Jarai-Khua git gai Ping gah, Khua mir sir ơi Tô Lâm bưp ƀô̆ mơta Khul pơlir hơdôm grup giang mah Việt Nam. - Khua dêh čar ơi Lê Minh Hưng tŭ jum Ơi pơtao dêh čar Thái Lan hăng bơnai ñu. - Giăm 70.000 wŏt mơnuih pơgôp rơbêh 11 klai prăk pioh hơdor kơ tơhan djai pơsăn drơi. - VOV Dap kơdư gơgrong wai pơgang rơnuk rơnua, hơđong tơlơi pôr pơhing. - Hăng hơdôm tơlơi pơplih amăng tơlơi pơmĭn hăng bruă ngă tŭ yua mơng hơdôm hơbô̆ bruă bơwih ƀong, tơlơi hơdip mơnuih djuai ania ƀiă ƀơi să Bảo Lâm 5, tơring čar Lâm Đồng ƀơƀrư̆ pơhrŏ trun ƀun rin hăng pơđĭ kyar hơđong kjăp. Anai lĕ boh tơhnal amăng “tơlơi bơră ruai tơlơi pơhing glăk hơmâo” ƀơi rơnuč tơlơi pơhing hrơi anai.

VOV.Jarai-Khua ping gah, Khua mir sir ơi Tô Lâm mă bruă hăng hơdôm sang bruă čar ƀơi gơnong dlông kơ Akŏ bruă čih pơkra tơlơi phiăn phrâo pơkă kơ mơnuih ping gah dưi ngă bruă bơwih ƀong huă sang bruă mơnuih ƀôn sang ngă pô -Kơnuk kơna ngă hră pơtrun kơ bruă pơtô hrăm sang hră gưl muai brơi čơđai mơ̆ng 5 truh 6 thun -Quảng Ngãi jơnum pơčrong sai “Hmư̆ hiăp mơnuih ƀôn sang lăi” ƀơi să Đak Rơwa -Rơbêh 2 klăk čô mơnuih ƀơi tơring čar Dak Lak dưi pơkă lăng tơlơi suaih pral huăi apah prăk -Ră ruai kơ tơlơi pơhing hlăk hơmâo: Mă yua sang măi pơkra gơnam mơ̆ng boh troh đang hmua akŏ pơdong ƀơi anih sang măi Tâm Thắng, tơring čar Lâm Đồng

VOV.Jarai-Khua dêh čar ơi Lê Minh Hưng pơđut laih tal nao mă bruă pơ čar India, pơhmư̆ mông jơnum khua mua prong BRICS 18. - Khua pơ ala mơnuih ƀôn sang dêh čar ơi Trần Thanh Mẫn ngă bruă hăng Tơhan ia rơsĭ laih anun krăo lăng Khul tơhan ƀat tô mur Lữ đoàn 189. - Khánh Hòa ječ ameč hyu ĕp, kuai rŭ tơlang tơhan djai drơi kơ lŏn ia. - 10 kơčăo bruă Pơphun bơwih ƀong Mơtah kual Tong krah - Dap Kơdư amăng tal rơnuč pơplông pơphun bruă bơwih ƀong Mơtah 2026. - Ră ruai kơ tơlơi pơhing glăk hơmâo ƀơi rơnuč, lăi nao kơ bruă Dak Lăk ječ ameč man pơgiong 100 boh sang pơgang ia dăo.

VOV.Jarai

VOV.Jarai - Tơlơi pơhing phrâo kơnôl 11-9-2026: - Khua ping gah, Khua mir sir ơi Tô Lâm pơhiăp pok pơphun Jơnum pơčrông sai ƀơi Jơnum khua mua prong jar kmar kơ rơngit adai. - Khua pơ ala mơnuih ƀôn sang dêh čar ơi Trần Thanh Mẫn tŭ jum Khua dêh čar ngă rah Khua ping gah mơnuih ƀôn sang Mông Cổ. - Dak Lăk pơtrut ba sĭ gơnam mơ̆ng hmua, akan hơdang pơ anih mơdrô Halal. - Gia Lai pơdong plơi phrâo kơ rơbêh 1.000 boh sang anŏ kual ia dăo amăng thun 2026. - Ră ruai kơ tơlơi pơhing glăk hơmâo: Akŏ thun hrăm phrâo, Dak Lăk pơgang hlâo klin duam ruă amăng sang hră.

VOV.Jarai - Tơlơi pơhing phrâo kơnôl 10-9-2026: -Khua ping gah, khua mir sir ơi Tô Lâm nao čuă sit nik dêh čar Prang. -Khua pơ ala mơnuih ƀôn sang dêh čar ơi Trần Thanh Mẫn bưp mơnuih ƀôn sang Việt Nam ƀơi dêh čar Mông Cổ. -Hơjan hlim na nao hơdôm hrơi rơgao, ngă kơ lu anih amăng Dak Lak ia dăo, pơhŭi hlâo hơmâo ia ling dăo prong pơ anăp. -Khánh Hoà pơtrun hiăp kơ Gơnong bruă Pơtô hăng Pơjuăt khom pel ĕp tong ten anih ba sĭ mơdrô gơnam ƀong huă kơ čơđai sang hră amăng thun hrăm phrâo anai. -Bơră ruai tơlơi pơhing hlăk hơmâo lăi nao man akŏ thun hrăm phrâo rơgao sa wơ̆t hrơi tơjuh laih, samơ̆ ƀu ƀiă ôh čơđai sang hră amăng dêh čar lăi hrŏm, ƀơi Dak Lak hnun mơ̆n aka ƀu djop hơdrôm hră pơđok pioh hrăm hră. Tơlơi anai lăi nao ƀơi črăn rơnuč tơlơi pơhing mông anai.

VOV.Jarai - Tơlơi pơhing phrâo kơnôl 9-9-2026 - Khua git gai Ping gah, Khua mir sir ơi Tô Lâm bưp Khua anom bruă Đuma dêh čar Nga, ơi Vyacheslav Volodin. - Khua dêh čar ơi Lê Minh Hưng rơkâo pel ĕp glăi, pơplih pơkra hơdôm tơlơi pơkă bơdjơ̆ nao wai lăng gơnam măi mok, ia jrao pơjrao brơi mơnuih duăm ruă. - Jơnum min mơnuih ƀon sang tơring čar Dak Lak phrâo ba tơbiă tơlơi črâo trun gơgrong pơhlôm pơgang amăng bơyan mơyan, hơjan hlim rơbŭ kơthel. - Ƀing Khua pơ ala mơnuih ƀôn sang tơring čar Lâm Đồng pel ĕp hơbô̆ bruă djru brơi tơlơi bơwih ƀong huă ƀơi Tuy Đức. - “Bơră ruai tơlơi pơhing glăk hơmâo” hrơi anai lăi nao bruă man pơdong sang gum pơgôp ƀơi kual Dap kơdư, djru brơi sang anŏ tơnap tap hơmâo sang dŏ sir kjăp.

VOV.Jarai - Tơlơi pơhing phrâo kơnôl 8-9-2026: - Khua Ping gah, Khua mir sir ơi Tô Lâm tŭ jum Khua Ping gah dêh čar Nga. - Khua pơ ala mơnuih ƀôn sang dêh čar ơi Trần Thanh Mẫn bưp Khua dêh čar Hàn Quốc, yă Han Seong Sook. - Truh ră anai, tơhan hyu ĕp, kuai rŭ tơlang tơhan djai pơsăn drơi gah Sang bruă khua git gai tơhan ƀôn prong Hồ Chí Minh hơmâo ƀuh, klơi rŭ đĭ abih tih ñu 592 per tơlang tơhan ƀơi đang bơnga Lê Thị Riêng. - Dak Lăk pơmut boh thâo mrô 60% anih tơjŭ pla tơdơi kơ sa blan.