VOV.Jarai -Khua dêh čar git gai jơnum lok pă Khul git gai man pơdong sang măi apui lơtrik ayuh. -Đơ đam dêh čar ta pơphun jŭ yap sem glăi rơnoh pơkă Bơwih ƀong huă thun 2026. -Dak Lak pơtum pran jua kiăng man pơdong giong abih sang kơ mơnuih ƀôn sang hơmâo tơlơi truh khom giong hlâo kơ lơ 15/1. -Hơdor glăi Hrơi blah pơrai rơnuk kơna pơdjai đut djuai mơnuih, hră pơhing phrâo dêh čar Kur čih tơlơi pơhing pơdah pran jua bơni kơ ling tơhan Việt Nam hơmâo djru dêh čar Kur. -Khua ding jum pơtom hiăp dêh čar Khač ơi Vương Nghị nao čuă hơdôm dêh čar kual ơi Jŭ.

VOV.Jarai -Khua dêh čar ơi Phạm Minh Chính nao jơnum hrŏm pơƀut bruă mă thun 2025, pok pơhai bruă mă thun 2026 mơ̆ng anom bruă prăk kăk -Khua gum bruă git gai ping gah ơi Trần Cẩm Tú nao ĕp lăng bruă mă prăp lui jơnum prong ruah khua ping gah dêh čar tal 14 -Gia Lai pôr pơthâo pơjuă nua, pơsit anom bruă tŭ mă 138 kơčăo bruă phun thun 2026 -Rơbêh 30 boh dêh čar jơnum ƀơi Paris, dêh čar Prang pơčrong sai kơ bruă pơgang tơlơi rơnuk rơnua dêh čar Ukraine -Pok pơhai jơnum ruah khua ping gah dêh čar Lao tal XII

VOV.Jarai - Khua dêh čar tŭ jum Khua grup bơwih ƀong mơnuih ƀôn sang ngă pô prong hloh mơ̆ng dêh čar Nga. - Dêh čar ta amra brơi rơbêh 500 klai kơ mơnuih hơkrŭ lŏn ia ƀrô hrơi Tê̆t ngă yang thun phrâo. - Gia Lai pơtrut tơlơi gơgrong bruă mơ̆ng hlăk ai tơdăm dra amăng plơi amăng bruă mă yua boh thâo mrô. - Tơring čar Lâm Đồng brơi nao 50 klai či pơkra jơlan răm ƀơi Jơlan prong 27. - Dêh čar Kur pok pơhai lu hơdră ngă amuñ hră pơ-ar mut amăng lŏn ia, đah mơ̆ng pơhưč tuai hyu ngui.

VOV.Jarai - Kơ-iăng Khua git gai pơ ala mơnuih ƀôn sang dêh čar ơi Đỗ Văn Chiến nao lăng mông prap lui ngă lơphet pioh hơdor 80 thun Hrơi plĕ hră ruah khua mua blung a Khua pơ ala mơnuih ƀôn sang dêh čar Việt Nam. - Đà Nẵng ƀơk gơnam tết brơi 24.000 čô mơnuih mă bruă. - Quân khu 5 jao rơbêh 100 boh sang amăng “Hơdră bruă Quang Trung” ƀơi Dak Lak hăng Khánh Hòa. - Khua mir sir jang jai dêh čar Venezuela rơkâo dêh čar Mi pơklaih hĭ mơtam Khua mir sir ơi Maduro. - Khua dêh čar jang jai Thái Lan nao ĕp lăng guai lŏn ia, iâu pơthưr mơnuih ƀôn sang anăm hŭi hăng hơdôm tơlơi kơsung blah amra ƀuh.

VOV.Jarai-Yak nao thun phrâo 2026, lơm bơyan pĕ pơhrui kơphê ƀiă giong laih, hrơi mông hur har mơ-ak glăk lar hyu djop plơi pla ƀơi kual Dap kơdư. Tơdơi kơ ha thun gir run mă bruă, neh met wa ngă hmua hok mơ-ak lơm bruă ngă hmua gêh gal, gơnam đang hmua pơhrui hơmâo hmăi, hơmâo nua, tơlơi hơdip jai hrơi hơđong biă.

VOV.Jarai-Ƀơi hơdôm boh plơi pla kual ataih yaih, kual mơnuih ƀôn sang djuai ƀiă mơ̆ng Dap Kơdư, hăng tơlơi lăng ba mơ̆ng Ping gah, Kơnuk kơna, pran jua gum pơgôp găn rơgao hrưn đĭ mơ̆ng mơnuih ƀôn sang hăng tơlơi triang jik bruă ngă hmua, tơlơi hơdip neh met wa jai hrơi đĭ tui. Čơkă thun phrâo 2026, tơlơi hok kơdok hơmâo ƀơi djŏp plơi pla Dap Kơdư, lơ̆m neh met wa lăng glăi hơdôm tơlơi pơplih tŭ yua mơ̆ng lŏn ia, mơ̆ng tơring hăng mơ̆ng plơi pla pô.

VOV.Jarai-Amăng tơlơi pơhing hrơi anai ƀing gơmơi jŭ yap glăi 10 tơlơi pơhing hmư̆ hing hloh thun 2025 yua Gong phun jua pơhiăp dêh čar Việt Nam ruah mă; anai lĕ hơdôm tơlơi kơđŏm glăi yôm phăn, pơƀuh tong ten tơlơi yak nao, tơlơi gir run hăng pran kơtang mơng Việt Nam amăng glông jơlan pơplih phrâo.

VOV.Jarai-Khua git gai ping gah ơi Tô Lâm ngă bruă hăng Anom bruă djă pioh djŏp hră pơ-ar dêh čar mrô 1. - Đại tướng Nguyễn Trọng Nghĩa, Ding kơna ding jum kơđi čar, bưp mơnuih ană plơi kơnang ƀơi kual Dap Kơdư. - Jơnum bruă ngă hmua rơgơi, pơgang ayuh hyiăng ƀu lăp hăng pơhlom hơđong ia yua kual Dơnung Tong Krah hăng Dap Kơdư. - Guai Thái Lan hăng Kur ăt hơđong mơn tơdơi kơ hơmâo tơlơi pơtrun pơdơi blah. - Čơkă thun phrâo 2026, Khua čih pioh Sang gum hơbit djŏp dêh čar pôr pơthâo kơ tơlơi rơngai, tơlơi gêh găl.

VOV.Jarai-Khua dêh čar ơi Phạm Minh Chính bưp mơnuih ƀôn sang ruah khua ƀôn prong Cần Thơ. - Kơ-iăng khua mir sir yă Võ Thị Ánh Xuân nao lăng jơlan hơdră “Bơyan bơnga brơi čơđai” tal 19. - Ling tơhan man pơdong 9 boh sang rung djru brơi mơnuih ƀôn sang giăm guai gah kơdư kual Dap kơdư. - Dêh čar Nga-Mi pơhiăp telephôn hlâo kơ jơnum dêh čar Mi-Ukraine. - Ƀing khua mua amăng jar kmar hok mơ-ak lơm dêh čar Kur hăng Thái Lan hơmâo tơlơi pơkôl pơdơi blah.

VOV.Jarai