VOV.Jarai - Tơlơi pơhing phrâo kơnôl 8-9-2026: - Khua Ping gah, Khua mir sir ơi Tô Lâm tŭ jum Khua Ping gah dêh čar Nga. - Khua pơ ala mơnuih ƀôn sang dêh čar ơi Trần Thanh Mẫn bưp Khua dêh čar Hàn Quốc, yă Han Seong Sook. - Truh ră anai, tơhan hyu ĕp, kuai rŭ tơlang tơhan djai pơsăn drơi gah Sang bruă khua git gai tơhan ƀôn prong Hồ Chí Minh hơmâo ƀuh, klơi rŭ đĭ abih tih ñu 592 per tơlang tơhan ƀơi đang bơnga Lê Thị Riêng. - Dak Lăk pơmut boh thâo mrô 60% anih tơjŭ pla tơdơi kơ sa blan.

VOV.Jarai - Tơlơi pơhing phrâo kơnôl 7-9-2026: - Khua git gai Ping gah, Khua mir sir ơi Tô Lâm hăng bơnai ñu hrŏm hăng ƀing khua mua pơprong Việt Nam nao čuă gưl Kơnuk kơna pơ dêh čar Nga. - Khua dêh čar ơi Lê Minh Hưng đĭ pơhiăp amăng Jơnum ngă hrŏm dua bơnah ƀon lan kơplah wah Việt Nam-Japan thun 2026. - Khua mua Ping gah, Kơnuk kơna nao ngă lơphet mut sang hră, juh alum pran jua ƀing čơđai kual tơnap tap ƀơi Dap kơdư. “Tơlơi bơră ruai tơlơi pơhing glăk hơmâo” hrơi anai lăi nao tơlơi hur har mut sang hră ƀơi kual Dap kơdư hăng Dơnung tong krah hăng tơlơi đing nao mơng Ping gah hăng Kơnuk kơna.

VOV.Jarai

VOV.Jarai -Hrơi anai, Khua mir sir dêh čar Myanmar hăng bơnai ñu rai čuă jơmư sit nik Việt Nam -Khu dêh čar ơi Lê Minh Hưng git gai jơnum kơnuk kơna tui tơđar blan 8 -Dak Lak pôr pơthâo hră pơtrun dăp glăi sang hră hrăm brơi djơ̆ găl -Lâm Đồng pơtrut hmar bruă pơkă lăng tơlơi suaih pral rim blan kơ ană plơi pla Ră ruai tơlơi pơhing hlăk hơmâo anai, lăi nao bruă pơphun pôr livestream pơdah thâo gơnam sĭ mơdrô boh troh đang hmua, sĭ gơnam amăng plang tơlơi pơhing ia rơgơi mrô ƀơi Dak Lak

VOV.Jarai - Khua git gai Ping gah, Khua mir sir ơi Tô Lâm nao tŭi ñang hơ-ŭ hơdor kơ Khua mir sir Hồ Chí Minh. - Ding jum kơđi čar, Khul git gai Ping gah pơphun Jơnum đơ đam dêh čar kơsem min, hrăm tui, hruă kjăp hăng pok pơhai ngă tui sa, dua tơlơi pơtrun, tơlơi črâo trun mơng Ding jum kơđi čar. - Pơphun jơnum lok 6 Jơnum min apăn bruă Khua pơ ala mơnuih ƀon sang dêh čar. - Thượng tướng Phùng Sĩ Tấn pel ĕp sang hră dŏ đăm glăi Ea Rốk, Dak Lak. - Prăk pơhrui mơng bruă bơwih brơi tuai čuă ngui ƀơi Lâm Đồng truh rơbêh 1.400 klai prăk amăng hrơi pơdơi prong kơnôl 2/9. - Tơlơi bơră ruai tơlơi pơhing glăk hơmâo, lăi pơthâo bruă tơring čar Quảng Ngãi prap brơi čơđai mut sang hră.

VOV.Jarai - 81 thun laih rơgao, samơ̆ amăng hơdôm hrơi Blan čơpăn thun 1945 hăng hrơi blan kơđŏm gru hing ang 2/9, ăt jing gru ƀhêm ƀu thâo wơr ôh amăng thun blan akŏ pơdong hăng bong kjăp lŏn ia mơ̆ng djuai ania Việt Nam ta.

VOV.Jarai-Hơdôm hrơi hăng anai, đơ đam dêh čar ta hơ̆k mơak hơdor glăi 81 thun hrơi Akŏ pơdong kơnuk kơna lơ̆n ia kơnôl 2/9. Lăp pơ-ư ang hăng hrơi kơđŏm pioh gru phun dêh čar hing ang kơ djuai ania, mơnuih ƀôn sang ƀơi kual Dap Kơdư hik hăk amăng pran jua hơdor bơni na nao kơ Wa Hô- sa čô khua prong lăp pơpŭ hăng khăp ƀu-eng hơmâo pơđok hră pôr pơthâo pơklaih rơngai lơ̆n ia, pơ anăn phrâo Lơ̆n ia Việt Nam Dân chủ Cộng hòa, ră anai anăn tum teč Cộng hòa xã hội chủ nghĩa Việt Nam. Hơdor glăi kơ Wa Hồ, mơnuih ƀôn sang amăng kual Dap Kơdư jai hrơi thâo gum pơgôm nao rai, gir run pran jua akŏ pơdong plơi pla ala ƀôn pơblih phrâo pơđĭ kyar, pơdrong sah hiam rô̆:

VOV.Jarai

VOV.Jarai-Khua git gai Ping gah, Khua mir sir ơi Tô Lâm mă bruă hăng Khul pơphun bruă gơnong glông kơ bruă lăng glăi ngă tui tơlơi pơtrun mrô 26. - Khua dêh čar ơi Lê Minh Hưng git gai jơnum Kơnuk kơna kơ bruă čih pơkra tơlơi phiăn. - Dak Lak hăng Mondulkiri (Kur) kơtưn ngă hrŏm rơwang thun 2026-2030. - Khánh Hòa klơi rŭ đĭ dong 4 per tơlang tơleh tơhan djai pơsăn drơi ƀơi kơčong čư̆ Hòn Chảo. - Tơlơi bơră ruai tơlơi pơhing glăk hơmâo hrơi anai pơhŭi hlâo kơ duam đung drah glăk hơđuh đĭ kơtang amăng tơring čar Dak Lak hăng hơdôm tơlơi pơhŭi mơng anom bruă bơdjơ̆ nao amăng bruă pơgang kman.

VOV.Jarai-Khua ping gah, Khua mir sir ơi Tô Lâm ngă bruă hăng Ping gah Kơnuk kơna hăng hơdôm anom bruă kơ ngă tui tơlơi pơtrun djru ngă hơđong tơlơi hơdip mơda mơnuih ƀôn sang. - Khua dêh čar ơi Lê Minh Hưng brơi miđai 70, 80 thun Ping gah, pơpŭ kơ ơi yă ngă hơkrŭ đưm ƀơi ƀôn prong Hải Phòng. - Khánh Hòa pơƀut pơklaih brơi anŏ tơnap ala lŏn, anih čih man pơdong tuh pơ alin, hăng hơdôm bruă pơprong, kiăng dưi hơmâo rơnoh đĭ kyar rơbêh 10%. - Lâm Đồng pơtŏp rơguăt bruă pơsur ngă hmua kơ ngă hmua pla pơjing hơdjă, rơgoh, hơmâo gru mrô anih pla, ƀuh anih pơkra gơnam. - Ră ruai kơ tơlơi pơhing glăk hơmâo: Dak Lăk pơsit djru blơi hră pơhlom nua ia jrao kơ rơbêh 83.000 čô tha rơma.