Tal rai čuă dong amăng Jơlan hơdră pơbưp ngui adôh suang hăng anăn “Tơlơi adôh giang mah Việt-Khač). Ơi Ngô Minh Hiển lăi pơtong: Gong phun jua pơhiăp dêh čar Việt Nam lêng kơ lăng yôm tơlơi rô nao rai ngă hrŏm hăng dêh čar Khač, pơdah rơđah amăng jơlan hơdră pơtui jua pơhiăp -pơdah rup djru mơnuih ƀôn sang dua boh dêh čar hluh rơđah dong tơlơi rô nao rai pơlir hơbit. Sit biă ñu, jơlan hơdră pơbưp pơphun lơ 18/7 kiăng pioh hơdor glăi 75 thun akŏ pơjing bruă pơtom hiăp Việt-Khač hăng “Thun pơbưp nao rai hiam klă 2025”.

Ơi Hoàng Trí Hằng-Kơ-iăng Khua anom bruă gong phun pơtui jua pơhiăp-pơdah rup Quảng Tây pơsit tong: Gong phun jua pơhiăp dêh čar Việt Nam lĕ bơnah ngă hrŏm yôm phăn hăng lu tơlơi ngă hrŏm ba glăi tŭ yua amăng hrơi blan rơgao. Jơlan hơdră pơbưp nao rai tal anai ba glăi tơlơi truh kih, tŏ tui ngă lar hyu pran ngă giang mah mơng dua bơnah.