Mông bơkơtuai jing bruă mă amăng rơwang hơdôm bruă mă hơdor glăi hơdôm hrơi jơnum prong mơ̆ng lŏn ia, ƀrô djơ̆ tal hơdor glăi 80 thun hrơi ngă hơkrŭ blan 8 hăng hrơi pơdŏng lŏn ia lơ 2/9.

Pơhiăp črâo ba amăng mông bơkơtuai, Kơ-iăng Khua dêh čar ơi Nguyễn Hòa Bình lăi rơđah: Bruă bơkơtuai jing tal pioh ƀing ta lăng glăi sa črăn jơlan hmâo lu tơlơi tơnap amăng gru grua djuai ania, gum hrŏm ư-ang kơ hơdôm bôh than mơ̆ abih bang Ping gah, abih bang mơnuih ƀôn sang hăng abih bang ling tơhan ta dưi ngă hăng gum hrŏm anăp nao pơgi kơdih anai bơngač rơđah mơ̆ng lŏn ia. Yap mơ̆ng hrơi ngă hơkrŭ blan 8 thun 1945, gru grua glăk dưi djă pioh dong. Rơnuk phrâo rơngai, dưi pô hmâo tô̆ tui laih hăng rơnuk phrâo pơlir hơbit lŏn ia, rơnuk rơnua, pơđĭ kyar hăng amra dưi tô̆ tui hăng rơnuk phrâo hrưn đĭ pô, pơdrŏng asah, kơjăp kơtang./.