Hăng tơlơi pơtrun ngă bruă “Gum pơgôp - Hơmâo tơlơi dưi pô - Tui tơlơi phiăn - Pơplih prong - Pơđĭ kyar”, Jơnum anai jing hrơi kiăng abih bang Ping gah Ding jum Bruă hmua hăng Ayuh hyiăng lăng glăi 5 thun git gai, črâo bruă ngă tui Tơlơi pơtrun Jơnum ping gah rơwang thun 2020-2025, djă pioh tơlơi kơđiăng lui; laih dong ba tơbiă jơlan ngă bruă, tơlơi kiăng hơmâo hăng hơdră pơsir bruă kơ rơwang thun 2025-2030.

Hơdôm tơlơi pơtrun ƀơi mông Jơnum amra djru hrŏm hăng dêh čar ta dưi pơđĭ kyar tañ, hơđong kjăp truh pơ thun 2030 - thun kơđŏm gru 100 thun Akŏ pơdong Ping gah Cộng sản Việt Nam; laih dong anăp nao tơlơi kơtưn pơdrong sah amăng thun 2045 - ngă lơphet akŏ pơdong kơnuk kơna Việt Nam Dân chủ Cộng hòa, ră anai lĕ Cộng hòa xã hội chủ nghĩa Việt Nam. Ƀơi mông Jơnum, ping gah Kơnuk kơna amra lăi pơthâo tơlơi črâo bruă ruah Khul khua gum bruă git gai ping gah, Khul khua apăn bruă ping gah, Khua mua git gai ping gah, Kơ-iăng khua hăng Jơnum min pel ĕp kơđi Ping gah Ding jum bruă hmua hăng ayuh hyiăng rơwang thun 2025-2030.