Lăi pơtong, mơ̆ng ră anai truh pơ hrơi jơnum ruah khua ping gah đơ đam dêh čar tal 14 kơnong dŏ glăi 5 blan đôč, tui hăng ơi Trần Thanh Mẫn, bruă mă pơ anăp adih, ƀing pơ ala mơnuih ƀôn sang dêh čar amra pơtum kơ bruă jơnum lok 10, jơnum lok rơnuč mơ̆ng khua pơ ala mơnuih ƀôn sang dêh čar tal 15, prăp lui ruah khua pơ ala tal 16 hăng khul pơ ala mơnuih ƀôn sang djop gưl rơwang bruă thun 2026-2031.

Ơi Trần Thanh Mẫn rơkâo, ping gah amăng sang bruă pơ ala mơnuih ƀôn sang dêh čar khom tañ ngă pơgiong hĭ Hră pơtrun, kiăng khul khua mua ding kơna Ding jum kơđi čar mă bruă lĕ hră pơtrun khom ngă giong abih yơh. Jơnum anai ăt lăng glăi hơdră ngă tui tơlơi pơčrâo ba, ruah anăn ƀing apăn bruă sit nik nao jơnum ruah khua ping gah amăng sang bruă pơ ala mơnuih ƀôn sang dêh čar tal I, rơwang bruă thun 2025-2030; ƀing khua ruah lui pơhrua nao jơnum tal I; grup khua mua nao jơnum ruah khua ping gah đơ đam dêh čar tal XIV