Tơdơi kơ pơmut hrŏm anih anom, tơring čar Dak Lak phrâo hơmâo 102 boh să , phường hăng dưm dưm 102 Ping gah gưl să. Ră anai hơdôm boh ƀon lan amăng tơring čar Dak Lak glăk đing nao čih pơkra črăn hră pơtrun pơsit hăng prap lui djop tơlơi gal kiăng pơphun Jơnum Ping gah gưl să. Ơi Phạm Tiến Hưng-Khu git gai Ping gah să Hòa Phú brơi thâo, hră pơsit amra pơgiong amăng rơwang hrơi tơjuh pơ anăp, hăng akŏ phun lĕ pơđĭ kyar bơwih ƀong huă-mơnuih mơnam, pơjing Ping gah, gru grua hăng pơhlôm rơnuk rơnua.

Sit biă ñu, Jơnum tal anai ƀu pơphun plĕ hră ruah khua mua Ping gah rơwang phrâo ôh. Khul apăn bruă Ping gah tơring čar amra ruah mă ƀing apăn bruă phun anun lĕ Khua git gai, kơ-iăng khua git gai hăng pơpha khua mua nao jơnum Ping gah gưl tơring čar. Bruă mă anai kiăng pơhlôm tơlơi git gai mut hrŏm, hơđong anih anom amăng rơwang pơplih tơdơi kơ pơmut hrŏm.