Ƀơi mông dŏ bơkơtuai nao rai, Khua mir sir dêh čar Êjip, ơi Abdel Fattah El Sisi lăi pơtong, tal nao čuă jơmư gưl kơnuk kơna mơ̆ng Khua mir sir hăng grup khua mua kơnuk kơna Việt Nam lĕ sa bruă mă kơđŏm pioh yom, pok jơlan phrâo kơ bruă ngă hrŏm dua bơnah dêh čar tơdơi kơ 60 thun akŏ pơjing bruă pơtom hiăp laih anun pơđĭ tui bruă ngă pŭ ƀăn jing Bơnah ngă hrŏm hlom bom.

Dua čô khua hơmâo pơčrong sai nao rai tơlơi pơhing bơwih ƀong huă mơnuih mơnam rim boh dêh čar, bơni kơ boh tơhnal, yak rơbat klă hiam amăng bruă ngă giăng mah pŭ ƀăn plah wah Việt Nam-Êjip, lăi pơtong tơlơi kiăng gir run hloh pơjing bruă mă phrâo kơtang ngă hrŏm dua bơnah amăng lu bruă mă, djop tơlơi. Pơčrong sai kơ hơdôm tơlơi pơhing amăng kual hăng ƀơi jar kmar mơ̆, dua bơnah đing nao, Khua mir sir ơi Lương Cường lăng yom tơlơi gơgrong ba mơ̆ng dêh čar Êjip, djru pơsir kơđi tơlơi rung răng amăng kual.