VOV4.Jarai-HIV lĕ tơlơi ruă ƀă kman hŭi rơhyưt biă mă, bơbeč sat kơ tơlơi suaih pral ană mơnuih hlơi pô ñu ƀă kman. Khă hnun, hơdôm thun giăm anai, HIV ƀu djơ̆ lăi tơlơi ruă hŭi rơhyưt rơnuk thun dơ̆ng tah, yua dah hơmâo laih ia jrao găng glăi kman HIV (ARV) djru pơgăn hĭ kman HIV/AIDS tŭ yua biă mă. Mơnuih ƀă kman HIV yua anun mơ̆n amra dưi pơhlôm ba klă hloh tơlơi hơdip mơda kah hăng mơnuih huăi hơmâo tơlơi ruă. Kiăng dưi hơmâo tơlơi anun hă, anŏ yom hloh lĕ ƀing amuñ či ƀă kman khom kơđiăng, brơi nao pơčrang kman HIV tañ hloh klă hloh.

VOV4.Jarai-Ruă kơñĭ klĭ kliang lĕ tơlơi ruă juăt ƀuh hăng ƀing čơđai nge. Juăt ƀuh ƀơi giăm 60% mrô čơđai glăk ha blan hăng 80% mrô čơđai nge. Kơñĭ klĭ hăng ƀing čơđai nge juăt dua nam ruă rơnang (kơñĭ klĭ yua drơi jăn pơplih) hăng ruă kơtang (klĭ kơñĭ yua tơlơi ruă). Lơm ruă kơtang, tơdah ƀu tañ ƀuh hăng pơjrao brơi hmao tlôn, tơlơi ruă anai amra ba glăi tơlơi hŭi rơhyưt, amra ngă djai mơnuih ƀudah pioh glăi nam ruă sat amăng dlô truh djai ba mơtăm. Yua anun, bruă tañ ĕp ƀuh hăng pơjrao brơi hmao tlôn lĕ yôm biă mă kiăng pơgang brơi tơlơi suaih pral kơ ƀing čơđai.

VOV4.Jarai-Ruă mơañă ƀlĕ ia sik lĕ tơlơi juăt ƀuh sui hrơi, juăt ƀuh lu mơnuih ruă, ngă hŭi rơhyưt hăng amra ba truh tơlơi djai brŭ. Mah hŭi rơhyưt samơ̆ tơlơi juăt anai juăt hơgŏm, lu mơnuih ƀuh ƀă tơlơi ruă lơm ruă kơtang laih, hăng lu tơlơi sat bơdjơ̆ nao. Yua anun bruă tañ ƀuh tơlơi ruă hăng pơjrao brơi hmao tlôn lĕ bruă yôm hloh kiăng pơhlôm brơi tơlơi suaih pral.

VOV4.Jarai-Pok pơhai mơng thun 2023, Jơlan hơdră “Ba glăi tơlơi yâo mơ-ak” ƀơi anom bruă IVFMD Buôn Ma Thuột, gah sang ia jrao Sang hră gưl prong Y Dược Buôn Ma Thuột hơmâo djru brơi lu rơkơi bơnai kaih ƀă ană sang anŏ tơnap tap ƀơi kual Dap kơdư dưi ngă tui tơlơi čang rơmang kơ sang boh sang anŏ yâo mơ-ak. Pơgôp pơtrut pơsur hăng tơlơi đăo gơnang mơng bruă ƀă ană mơng ƀing rơkơi bơnah kaih ƀă ană.

VOV4.Jarai - Tui hăng tơlơi lăi pơthâo glăi mơ̆ng Anom wai lăng tơlơi duam ruă tơring čar Dak Lak, ƀơi tơring čar phrâo čih hmâo sa čô mơnuih djai đing đăo djơ̆ kơman ngă djơ̆ tuai.

VOV4.Jarai - Hơdôm hrơi jê̆ hăng anai, mrô mơnuih ruă kơdol ară drah ba nao pơ̆ sang ia jrao ƀơi Dak Lak đĭ lu hloh kơ tơđar. Tơlơi ruă kơdol ară drah bơdjơ̆ nao lu bôh than, amăng anun ayuh hyiăng pơplih, pơplih hơdai nao rơ-ŏt dưi lăng lĕ tơlơi amuñ ba truh kơdol ară drah. Tơlơi ruă amuñ ngă djai mơnuih lu tơdah ƀu dưi pơjrao hăng pơsir hmao tlôn.

VOV4.Jarai-Mơguah lơ 12/11, Khua ding jum ia jrao, yă Đào Hồng Lan lăi glăi tơlơi tơña mơ̆ng ƀing pơ ala mơnuih ƀôn sang gah bruă ia jrao. Ƀing pơ ala rơkâo brơi pơtum ngă tui sa hơnơ̆ng bruă mă, hơdră pơsir kiăng pơđĭ tui boh tŭ yua amăng bruă wai pơgang tơlơi suaih pral mơnuih ƀôn sang.

VOV4.Jarai-Hăng anŏ phara mơng hơdôm boh tơring čar kual Dap kơdư hơmâo rơbêh 46% mrô mơnuih lĕ djuai ania ƀiă. Bruă đah kơmơi tơkeng ană pơ sang ăt dŏ ƀuh lu pơhmu hăng đơ đam dêh čar. Hơdôm boh tơring čar kual Dap kơdư hơmâo gir run ngă tui akŏ bruă mrô 8 kơ “Ngă tui bruă bơkơnar đah rơkơi đah kơmơi hăng pơsir hĭ hơdôm bruă kiăng hloh bơdjơ̆ nao đah kơmơi hăng čơđai muai” rơwang tal 1: 2021-2025. Gia Lai ăt lĕ 1 amăng 10 boh tơring čar đing nao pok pơhai 4 hơdră djru đah kơmơi djuai ania ƀiă tơkeng ană rơnuk rơnua hăng bơwih brơi tơlơi suaih pral kơ ƀing amĭ, čơđai muai.

VOV4.Jarai - Jôh ŭt tơlang pha lĕ tơlơi jôh mơ̆ng ŭt tơlang anet truh ŭt tơlang prong kual akô̆ tơlang pha. Tơlơi anai juăt bưp ƀơi ƀing tha lơm tơlang ƀu kơjăp, khă hnun hai ăt hmâo mơn čơđai yua kơ pơjrom ƀudah rơbuh đih. Jôh ŭt tơlang pha amra ba truh lu tơlơi huĭ rơhyưt, pơhuĭ truh tơlơi suaih pral tơdah ƀu dưi pơkă lăng hăng pơjrao hmao tlôn.

JARAI.VOV.VN - Khă truh rơnuč bơyan laih, samơ̆ ƀơi tơring čar Dak Lak, tơlơi duam pơđung drah ăt dô̆ hmâo mơn, amăng anun lu ñu mơnuih ruă ba nao pơ̆ sang ia jrao lơm pơ-iă drơi, hrŏ trun drah, tơbiă tom drah kô̆... ba truh pơhuĭ kơ tơlơi hơdip.