VOV.Jarai-Kiăng pơhlom brơi bruă pơkă lăng, pơjrao duăm ruă hlâo, amăng hrơi mông hăng tơdơi kơ têt Bính Ngọ, anom bruă ia jrao Dak Lak hơmâo pơpha bruă mă kơ ƀing khua mua, ơi ia jrao mă bruă amăng hrơi têt, prăp lui djop ia jrao, gơnam yua pơjrao duăm ruă. Hrŏm hăng anun, hơdôm sang ia jrao pơprong amăng tơring čar Dak Lak hơmâo ngă hăng hlăk ngă tui bruă iâu pơtrut pơyơr drah pioh pơjrao tơlơi duăm ruă, hơmâo tŭ mă hơdôm rơtuh anung drah djă pioh, amra mă yua pơjrao kơ mơnuih duăm kraih, tơlơi ječ ameč amăng hrơi têt Bính Ngọ.

VOV.Jarai-Ƀơi anăp kơ tơlơi pơhing kman duăm ruă virus Nipah ƀă kơtang ƀơi dêh čar India, anom bruă ia jrao tơring čar Khánh Hòa prăp lui hlâo pơphun ngă tui hơdră dăp tong ten, pơhlom pơgang klin kơtang hloh tui hluai rim črăn. Mơ̆ng amăng jang mut tơbiă hăng jar kmar ƀơi tơdron rơdêh por truh pơ plơi pla, anih pơjrao duăm ruă, djop hơdră hơmâo pok pơhai tong ten sa hnơ̆ng hăng pran jua kơđiăng ƀu ngă amưng ôh laih anun kŏn bral hơngal lơi, prăp lui tong ten či bong glăi hăng klin kheng, pơgang tơlơi suaih pral kơ mơnuih ƀôn sang laih anun tuai rơnguai.

VOV.Jarai-Glocom lĕ sa tơlơi ruă ngă sat kơ mơta ană mơnuih, hnang blung ñu ƀu hơmâo pơƀuh ơđah hăng tơlơi mưn hơgĕt ôh, samơ̆ tơdah lui tơlơi ruă anun kơtang tui ñu amra ngă kơ pô ruă bum mơta hlao mơtam yơh. Yua kơ anun, hơmâo mơnuih ruă mơta Glocom lơ̆m thâo lĕ kraih laih, ƀudah ñu mưn ruă amăng mơta kơtang tit, khom breh pơjrao, bơbeč djơ̆ anŏ thâo ƀuh rơđah kơ mơta pô ruă.

VOV.Jarai-Ƀing ngă bruă pơjrao duăm ruă amăng plơi pla, djop să kual ataih, kual asuek, plơi pla mơnuih djuai ƀiă ƀơi Gia Lai glăk ngă klă hăng ba glăi anŏ tŭ yua kơ bruă pơjrao duăm ruă blung a, hlâo kơ ba nao pơ sang ia jrao prong lơ̆m pơjrao mơnuih ƀôn sang duăm ruă, amăng bruă djru pơgang tơlơi suaih pral kơ mơnuih ƀôn sang mơ̆ng gơnong bruă gah ia jrao, hơmâo djru ba mơnuih ƀôn sang tŭ mă hơdră pơjrao duăm ruă gêh găl hloh, laih anun plai ƀiă mơ̆n ba nao pơjrao pơ sang ia jrao prong tơdah hơmâo tơlơi duăm djong pơ să ăt bdưi pơjrao mă.

VOV.Jarai - Khua mua pơ ala mơnuih ƀôn sang dêh čar phrâo pơsit mă yua Tơlơi pơtrun kơ Jơlan hơdră dêh čar pơtrun lăng ba tơlơi suaih pral, mrô ană mơnuih hăng đĭ kyar rơwang thun 2026-2035, hăng prăk ngă bruă giăm 89.000 klai, pioh kiăng pơhlom brơi tơlơi suaih pral blung a, pơgang klin kheng, tơlơi djơ̆ djuam duam ruă, pơđĭ tui anŏ klă mrô ană mơnuih, djru akŏ pơdong Việt Nam hiam drơi jăn pran jua, đĭ kyar hơđong kjăp.

VOV.Jarai-Bruă črâo ba hăng khăm hlâo kơ pơdô̆ rơkơi bơnai lĕ sa amăng hơdôm tơlơi kiăng, yôm hloh djru brơi đah rơkơi, đah kơmơi prap pơdô̆ rơkơi bơnai thâo rơđah dong amăng bruă bơwih brơi tơlơi suaih pral; hơmâo ĕp lăng djop mơta amăng drơi jăn pô, mơng anun prap lui djop brơi tơlơi hơdip dua rơkơi bơnai brơi yâo mơ-ak, yôm ƀiă dong lĕ bruă bă ană bă brơi suaih pral.

VOV.Jarai - Tal hơjan ia dăo sui phrâo rơgao, ngă kơ lu boh plơi pla ƀơi Dak Lăk, biă ñu hơdôm boh sang pơ să phường gah Ngŏ, bưp tơlơi truh răm rai kơtang biă hăng hơdôm rơtuh boh plơi hăng hơdôm pluh rơbâo boh sang ia dăo. Truh ră anai, rơngiao kơ ming pơkra rŭ glăi anŏ răm rai gơnam yua, bruă lăng ba tơlơi suaih pral, pơhlôm pơgang klin kheng ăt hơmâo ngă mơn. Bruă anai hơmâo anom bruă ia jrao ječ ameč pơphun ngă tơdơi kơ ia trun, pơhlom tơlơi suaih pral hăng anih hơdip kơ mơnuih ƀôn sang.

VOV.Jarai-Hơdôm hrơi tơdơi kơ ia ling dăo hrŏ tui, hrŏm hăng bruă kih rơmet, duñ djah djâo, rơnăk pưk sang đang hmua, mơnuih ƀôn sang kual ia ling dăo gah ngŏ tơring čar Dak Lak, tơring čar Phú Yên hơđăp, hơmâo na nao khul ơi ia jrao, nao pơkă lăng, ƀơk pơpha ia jrao hăng pơtô ba bruă pơgang tơlơi suaih pral mơnuih ƀôn sang, hơmâo grup ơi ia jrao amăng tơring čar hăng gah rơngiao tơring čar nao djru hrŏm. Bruă ngă anai, pok pơhai ječ ameč amăng kual pơphun hyu ĕp lăng tơlơi suaih pral djop plơi pla, djru mơnuih ƀôn sang pơhlom pơgang tơlơi duăm ruă tơdơi kơ abih ia ling dăo hăng hơđong tơlơi hơdip mơda.

VOV.Jarai - Ruă djơ̆ tuai jing sa tơlơi ruă ƀă hyu hŭi rơhyưt biă mă yua kman ngă, tơlơi ruă anai ƀă mơ̆ng hlô pơ ană mơnuih, juăt ƀă mơ̆ng nam kĕ, kuač mơ̆ng hlô ruă djơ̆ tuai, juăt hơmâo lu hloh ƀơi asâo, eo. Lơ̆m djơ̆ tuai baih, djai mơtăm yơh. Sit hnun, bruă pơgang hăng ia jrao vắc xin lơ̆m asâo, eo kĕ kuač jing yom biă mă, hơmâo lăng jing “khiol pơgăn” tŭ yua hloh či pơgang ba tơlơi suaih pral, tơlơi hơdip mơ̆ng pô ruă.

VOV.Jarai-Ră anai, amăng tơlơi pơhŭi hlâo kơ tơlơi duam ruă juăt ƀuh, hơdôm tơlơi ruă huăi ƀă hyu glăk ƀuh lu tui. Lơm anun hơmâo tơlơi ruă ƀu-ai arăt drah rơkông đôk hăng mrô mơnuih hơmâo nam ruă amăng arăt drah rơkông đok jai hrơi lu tui, sit biă ñu ruă ƀu-ai arăt drah rơkông đôk. Tơlơi ruă anai mah kret kruai samơ̆ bơdjơ̆ nao kơtang biă mă tơlơi suaih pral hăng tơlơi hơdip mơda.