VOV4.Jarai - Tơlơi truh ƀơi jơlan nao rai rim hrơi, rim mông ăt dô̆ mơn, ngă bơdjơ̆ nao tơlơi suaih pral, tơlơi djai hơdip mơ̆ng lu mơnuih. Bruă tŭ mă pơjrao ječ, pơjrao brơi kơ mơnuih ruă rơka yua kơ pơjrom glêh tơnap biă, hăng tơlơi truh ƀơi jơlan glông bơdjơ̆ nao tơpai, ƀiêr dô̆ tơnap tap, bơngot hloh.

VOV4.Jarai - Hơdôm hrơi anai, anom bruă ia jrao Dak Lăk ngă bruă “tơtăng arăt” či pơhlôm bruă khăm pơjrao tơlơi ruă, pơjrao ruă kraih. Mơ̆ng hơdôm boh sang ia jrao prong ƀơi plơi prong Buôn Ma Thuột truh pơ hơdôm boh sang ia jrao tơring glông, să hơmâo prăp lui laih djŏp tơlơi truh ječ ameč, djru ană plơi čơkă tê̆t rơnuk rơnua hloh.

VOV4.Jarai - Kiăng pơhlôm hơdjă mơnŏng ƀong huă, plai ƀiă hơmâo tơlơi truh măt gơnam ƀong amăng bơyan Tê̆t thun phrâo Ất Tỵ hăng hrơi ngui ngor Bơyan bơnga 2025, Anom git gai djŏp anom bruă Gơnong dlông kơ rơnuk rơnua hơdjă gơnam ƀong huă hơmâo akŏ pơjing 5 grup hyu pel ĕp, sem lăng gơnam tam, hơdôm mơta gơnam juăt mă yua hloh amăng hrơi tê̆t, sem lăng bruă ngă tui tơlơi phiăn pơkra gơnam ƀong huă, hơdôm boh sang sĭ mơdrô mơnŏng ƀong huă ia mơñum, amăng mông pel ĕp kiăng thâo rơđah hơdôm pă hơmâo, ngă soh tơlơi hơget đah mơ̆ng thâo bơtơhmal. Laih dong, pơtô bơblang kơ hơdjă mơnŏng ƀong huă hlao amăng mông hyu hơduah ĕp.

VOV4.Jarai-Amăng rơnuk tơlơi pơhing ia rơgơi tơlơi kơhnâo pơđĭ kyar kơtang, hơdră mă bruă ba yua tơlơi pơhing, tơlơi ngui ngor mơak ƀu kơƀah dơ̆ng tah amăng tơlơi hơdip mơda rim hrơi ră anai; samơ̆ hơmâo tom anun lĕ tơlơi ƀu hơđong amăng tơlơi pơhing internet ăt ƀu ƀiă ôh. Tơlơi či hơmâo anun lĕ ngă kơ ƀing čơđai muai yua kơƀah tơlơi thâo hluh, tơlơi kơđiăng hŭi ba truh tơlơi hŭi rơhyưt kơ ƀing gơñu. Yua anun, kiăng hơmâo hơdră pơsir brơi kơ čơđai tŭ mă tơlơi pơhing ba yua măi telephon hăng internet djơ̆ lăp.

VOV4.Jarai-Tơkeng kơƀah blan lĕ sa amăng hơdôm anŏ sat bơdjơ̆ nao bruă tơkeng ană nge, bơdjơ̆ nao tơlơi suaih pral, tơlơi hơdip kơ ƀing amĭ hăng ană. Tui ƀing nai ia jrao, ơi ia jrao, bruă tơkeng kơƀah blan ƀuh jai hrơi lu tui ră anai. Yua anun, ƀing amĭ kiăng pel ĕp kơ bruă ba truh, hơdôm tơlơi pơƀuh hăng hơdră pơgang hŭi tơkeng kơƀah blan kiăng kơ tơkeng ană pơhlôm rơnuk rơnua.

VOV4.Jarai-Mơng akŏ blan 12, Ding jum ia jrao gum hrŏm hăng Jơnum min mơnuih ƀôn sang ƀôn prong Hà Nội pơphun Blan ngă bruă dêh čar kơ mrô mơnuih hăng hrơi pioh hơdor hrơi mrô mơnuih Việt Nam (26/12) thun 2024 hăng anăn “Hrưn đĭ klă kơ mrô mơnuih kiăng dêh čar pơdrong asah, sang anŏ yâo mơ-ak”. Kiăng bruă mrô mơnuih tŏ tui ba glăi tŭ yua, gơnong bruă ia jrao kiăng gir run pơsir hĭ hơdôm tơlơi lông glăk ƀuh ƀơi anăp ră anai.

VOV4.Jarai-Sit či truh bơyan ngă yang čơkă thun phrâo djuai ania, ƀudah amăng bơyan pơdơi prong Sang ia jrao prong kual Dap Kơdư hơmâo tŭ jum lu mơnuih mut đih pơ sang ia jrao ruă kraih, rơka, kơčung ƀô̆ mơta, tơngan, drơi jăn, kian hăng tơda yua ngor ƀơt, mlăi pơtuh. Nam rơka yua mlăi pơtuh ngă lĕ ƀu kơnong ruă nuă đôč ôh, dŏ ngă kơ čơđai hŭi hăng bral hơngal, bơbeč truh tơlơi hơdip mơda ƀing gơñu hăng sang anŏ. Nam Trang pô čih tơlơi pơhing dŏ ƀơi kual Dap Kơdư hơmâo tơlơi čih lăi nao.

VOV4.Jarai - Sa čô čơđai 14 thun ƀơi tơring glông Ea Hleo, Dak Lak phrâo dưi pơjrao tañ ƀơi Sang ia jrao prong kual Dap Kơdư tơdơi kơ tơlơi pơtuh mlăi.

VOV4.Jarai - Tơlơi lăi pơthâo glăi Pel ĕp tơlơi suaih pral pran jua kơ hlăk ai tơdăm ngek dra muai dêh čar Việt Nam mơ̆ng Anom kơsem min mơnuih mơnam brơi ƀuh: Tơlơi suaih pral pran jua amăng hlăk ai tơdăm ngek dra muai hmâo lu jơlan gah đĭ tui lu, amăng anun 1/5 mrô hlăk ai tơdăm ngek dra muai (20%) hmâo tơlơi gah suaih pral pran jua hăng kơnong kơ 8,4% mrô hlăk ai tơdăm ngeh dra muai hmâo ngă juăt hăng hơdôm bruă djru ƀudah lăi pơthâo kơ hơdôm tơlơi pơdah gah pran jua hăng bruă ngă. Lu tơlơi pơmin hrăm hră hăng tơlơi wai lăng ƀudah kơƀah tơlơi đing nao mơ̆ng amĭ ama ăt ngă čơđai bơngot mơn, ƀu mơhao pơhiăp mơn, mưn ƀu kah hăng guang dar hăng hyel miel. Kiăng ngă hơget pioh đing nao lu hloh dong tơlơi suaih pral pran jua ƀơi hlăk ai tơdăm ngek dra muai?

VOV4.Jarai-HIV lĕ tơlơi ruă ƀă kman hŭi rơhyưt biă mă, bơbeč sat kơ tơlơi suaih pral ană mơnuih hlơi pô ñu ƀă kman. Khă hnun, hơdôm thun giăm anai, HIV ƀu djơ̆ lăi tơlơi ruă hŭi rơhyưt rơnuk thun dơ̆ng tah, yua dah hơmâo laih ia jrao găng glăi kman HIV (ARV) djru pơgăn hĭ kman HIV/AIDS tŭ yua biă mă. Mơnuih ƀă kman HIV yua anun mơ̆n amra dưi pơhlôm ba klă hloh tơlơi hơdip mơda kah hăng mơnuih huăi hơmâo tơlơi ruă. Kiăng dưi hơmâo tơlơi anun hă, anŏ yom hloh lĕ ƀing amuñ či ƀă kman khom kơđiăng, brơi nao pơčrang kman HIV tañ hloh klă hloh.