VOV4.Jarai-Ƀing čơđai anet juăt tơpư̆ hyu đơi, ngor kơtang ta juăt lăi ƀing čơđai ngăi, ƀu dŏ ha dơnong, tơdah tơpư̆ tơpeñ kraih đơi, ñu ƀu kơđiăng ôh kơ drơi jăn pô, ngă pơtrun hĭ tơlơi pơmin hiam klă, rung răng amăng lăm anŏ  pơđĭ kyar juăt hơmâo ƀơi ƀing čơđai mơ̆ng 3-11 thun, kiăng tañ thâo hăng pơjrao hmao kru, huăi bơbeč djơ̆ kơ tơlơi pơmin, pran jua, bruă mă hăng tơlơi hơdip mơda čơđai muai tơdơi anai.

VOV4.Jarai-Tui hăng ơi ia jrao Phạm Hoài An, Sang ia jrao prong Thiện Hạnh, tơring čar Dak Lak, tlam lơ 22/11, Anom tŭ jum pơjrao ječ ameč sang ia jrao anai hơmâo čơkă 17 čô čơđai sang hră mut đih pơ sang ia jrao mưn ƀuh măt mơnong ƀong huă.

VOV4.Jarai – Ruă pơđoh tơbiă ia sik type 2 lĕ tơlơi ruă huĭ rơhyư̆t hăng mrô mơnuih djai dŏng tal 3 ƀơi rŏng lŏn tơnah, kơnong kơ tơdơi kơ tơlơi ruă bơbrŭ asar hăng ruă ară drah hơtai bôh. Tơlơi ruă anai tơdah ƀu thâo hăng pơjrao tañ amra ba truh hơdôm tơlơi pơplih huĭ rơhyưt ngă pô ruă jô drơi jăn hăng bŏng glăi hơdôm tơlơi tơnap him hlâo kơ tơlơi suaih pral, tơlơi hơdip. Khă hnun hai, tơlơi lăp bơngot lĕ tơlơi ruă ƀong tui ƀơƀrư̆ amăng drơi jăn, kah hăng abih bang hơdôm mơnuih ruă kơnong kơ thâo tơdơi kơ hmâo tơlơi pơplih gah ară drah hơtai bôh, mơta lăng ƀu rơđah, tơdu bôh ƀleh, kơđeng tơkai tơngan...

VOV4.Jarai - Tui hăng tơlơi lăi pơthâo mơ̆ng Anom bruă wai pơgang tơlơi duam ruă tơring čar Dak Lăk, ƀơi tơring čar phrâo pơsit hơmâo mơnuih djai yua kơƀam ƀong amăng bah tơkai tơngan.

VOV4.Jarai - Tơdơi kơ hrơi blan tơnap tap yua kơƀah jrao hăng gơnam gah ia jrao, dua blan laih rơgao, Sang ia jrao tơring glông Krông Ƀuk, glăk pơhưč lu mơnuih duam ruă nao khăm hăng pơjrao. Anai lĕ sa amăng ƀiă sang ia jrao amăng tơring čar Dak Lak dưi pơsir hĭ bruă kơƀah jrao hăng gơnam gah ia jrao, ngă tui klă bruă jao bơwih brơi tơlơi suaih pral kơ mơnuih ƀon sang.

VOV4.Jarai-Yap truh lơ 30.10, tơring čar Gia Lai hơmâo 12 čô mơnuih laih djai yua kman djơ̆ tuai asâo yang ngă yap mơ̆ng akŏ thun 2023.

VOV4.Jarai - Ruă pruăi rơbêh jing tơlơi ruă hŭi rơhyưt ƀing ta amuñ bưp biă, tha ƀudah čơđai lêng kơ amuñ ruă. Tơlơi ruă tơdah tañ thâo hăng pơjrao tañ lĕ huăi bơbeč kơ tơlơi suaih pral ôh. Tơdah ƀu tañ thâo lĕ amra hŭi rơhyưt biă mă, tap năng ba truh tơlơi djai brŭ mơtăm.

VOV4.Jarai - Ră anai, tơring čar Dak Lăk glăk amăng bơyan hơjan, hrơi mông gêh gal keč brung čeh čar ngă duam đung drah. Hrŏm hăng anun lĕ mrô mơnuih duam đung drah jai hrơi lu tui. Mah anai lĕ tơlơi ruă ƀă hyu, hơmâo na nao rim thun samơ̆ ăt hơmâo mơn pô djai hăng lu tơlơi phara, amăng anun hơmâo ƀu ƀiă ôh mơnuih ruah anih pơjrao ƀu klă, khăm ƀu djơ̆, đih pơ sang ia jrao kaih đơi, jing ruă kơtang laih anun bưp lu tơlơi ruă phara, amuñ djai. Ƀơi anai lĕ tơlơi čih mơ̆ng ƀing hyu mă tơlơi pơhing ƀơi Sang ia jrao prong kual Dap Kơdư kơ tơlơi anai.

VOV4.Jarai – Rơnuč blan 9 phrâo rơgao, ƀơi plơi prong Plei Ku, Anom kơsem min tơlơi klin ruă dêh čar ta gum hrŏm hăng Jơnum min mơnuih ƀôn sang tơring čar Gia Lai pơphun Jơnum “Kơtưn bruă mă hơdôm bơnah bơdjơ̆ nao amăng ngă tui hơdôm jơlan gah abih bang pơgang, pơgăn tơlơi ruă djơ̆ tuai gah jơlan hơdră lŏn ia 2022-2030”. Gia Lai ăt jing anih hmâo mrô mơnuih djai yua kơ ruă djơ̆ tuai lu hloh đơ đam dêh čar, khom hmâo jơlan gah khut khăt pơgang, pơgăn tơlơi ruă anai.

VOV4.Jarai - Gơnong bruă ia jrao tơring čar Dak Lak glăk ječ ameč pok pơhai hơdôm hơdră kiăng pơgang hŭi kman lar hyu.