VOV4.Jarai - Dak Lăk jing tơring čar hơmâo lu mơnuih ƀă kman djơ̆ tuai yua asâo, eo kĕ kuač dong amăng mrô lu amăng dêh čar. Mrô hơmâo tlâ̆o jrao vắc xin aset, lơ̆m anun mơnuih ƀôn sang ƀu kơđiăng pơgang hlâo ôh, anun jing kman djơ̆ tuai pơ anai ăt tơnap pơgang.

VOV4.Jarai - Amăng hơdôm thun giăm anai, bruă lu ơi ia jrao rơkâo pơplih anih mă bruă, pơdơi bruă hăng ƀu dưi ruah ơi ia jrao mă bruă ngă kơ anom bruă ia jrao tơring čar Kon Tum kơƀah mơnuih mă bruă biă. Hrŏm hăng hơdôm hơdră pơsir ječ ƀơi anăp, tơring čar Kon Tum glăk kiăng hơmâo hơdră ngă bruă phara hơjăn amăng pơtô pơjuăt mơnuih mă bruă bơwih brơi bruă ia jrao.

VOV4.Jarai-Mơ̆ng thun 2023 truh ră anai, 2 boh tơring čar Gia Lai hăng Dak Lak jing anih hang amăng tơngia kơ tơlơi ruă kman djơ̆ tuai lu hloh amăng dêh čar ta yua kơ hơmâo na nao mơnuih ƀă kman hŭi rơhyưt anai.

VOV4.Jarai - Việt Nam glăk hơmâo lu tui mơnuih ruă lao, biă ñu ruă lao lok nao lok rai, mơnuih ruă mơñum jrao ƀu mut jai hrơi lu tui. Tơlơi ruă anai lok nao lok rai ngă răm ƀăm kơ tơlơi suaih pral biă. Tơlơi čih ƀơi yŭ anai lăi nao tơlơi hơmâo sit nik ƀơi Dak Lăk.

VOV4.Jarai- Sang ia jrao Hùng Vương Gia Lai phrâo pok mă bruă. Anai lĕ sang ia jrao pơdong mă hơjan tal 2 amăng tơring čar.

VOV4.Jarai - Mơguah lơ 22/3, Gơnong bruă ia jrao tơring čar Dak Lăk pơphun Jơnum prong čơkă Hrơi rŏng lŏn tơnah pơgang ruă lao.

VOV4.Jarai-Ƀơi anăp kơ tơlơi tơnap tap mơng kman djơ̆ tuai, amăng hrơi blan laih rơgao lơm aka ƀu truh 3 blan akŏ thun hơmâo laih 4 čô mơnuih djuai yua djơ̆ tuai, yang hrơi tlam lơ 20/3, Jơnum min mơnuih ƀôn sang tơring čar Dak Lak pơphun jơum lăng nao rai mơng ataih kiăng lăng glăi bruă pơgang kman djơ̆ tuai ƀơi hlô rông amăng tơring čar.

VOV4.Jarai – Tơlơi ruă bơbrŭ tơsâu lĕ tơlơi ruă juăt bưp gah đah kơmơi. Anai ăt lĕ tơlơi đing nao mơ̆ng lu adơi amai, yua kơ tui mrô yap mơ̆ng Khul wai lăng tơlơi ruă bơbrŭ asar đơ đam rŏng lŏn tơnah, thun 2018, Việt Nam hmâo 15.000 čô mơnuih ruă bơbrŭ tơsâu, dưm dưm hăng mrô 9,2% hăng rơbêh kơ 6.000 čô mơnuih djai yua kơ tơlơi ruă anai. Khă lu samơ̆ tơlơi ruă dưi pơjrao suaih tơdah thâo tañ hăng pơjrao hmao tlôn. Yua anun, bruă gơgrong hlâo thâo tañ tơlơi ruă bơbrŭ tơsâu jing yôm phăn biă amăng bruă pơđĭ tui bôh tơhnal pơjrao ăt kah hăng pơgang hlôm hlâo tơlơi ruă anai.

VOV4.Jarai – Abih pran jua, hur har mă bruă, 20 thun rơgao, Hrăm gah bruă wai lăng drơi jăn pran jua Nguyễn Thị Hiền – Khua Sang ia jrao să Ea Kiết, tơring glông Čư̆ Mgar, tơring čar Dak Lak pơhrăm na nao pran jua pô, hrăm tui klă pioh pơđĭ tui bôh thâo mă bruă. Ñu hmâo jing laih gru ba jơlan hlâo sa čô ơi ia jrao abih pran jua hăng mơnuih ruă, dưi hmâo ƀing gŏp hăng neh wa ƀơi anai pơpŭ bơni kiăng khăp.

VOV4.Jarai- Amăng thun blan laih rơgao, hrŏm hăng ƀing buh ao mơtah hyu gum djru, ƀing buh ao kô̆ lĕ ƀing ơi ia jrao dŏ hlăk ai ăt juăt hyu khăm pơjrao mơn, tơlơi anai ngă pơđao pran jua mơnuih ƀôn sang, sit biă ñu ƀơi hơdôm kual ataih, asuek, kual tơnap tap amăng tơring čar Dak Lak.