VOV4.Jarai-Ƀrô tal hơdor glăi 69 thun hrơi pơpŭ nai ia jrao Việt Nam, tom brơi (27/2), gơnong bruă ia jrao tơring čar Dak Lak pơphun jơnum kiăng hơdor glăi thun blan hing ang mơng gơnong bruă ia jrao amăng khăm pơjrao, bơwih brơi tơlơi suaih pral kơ mơnuih ƀôn sang hơdôm thun laih rơgao.

VOV4.Jarai – Amruih kôl bôh ƀleh lĕ sa tơlâ̆o amruih kôl kah hăng bôh pơtâo, khăng yua kơ ia hra ƀudah hra acid pơjing amăng ia mơañă. Amruih kôl amăng bôh ƀleh tơdơi kơ pơjing tơlâ̆o kôl ñu amra dŏ hơđong amăng bôh ƀleh ƀudah rô trun ƀơi jơlan pơđoh ia mơañă. Tơlơi ruă anai tơdah ƀu thâo tañ hăng pơjrao ñu amra ba truh lu tơlơi pơplih huĭ rơhyưt.

VOV4.Jarai – Amăng gru grua kơdŏng glăi ayăt Prang hăng Mi, Khul ling tơhan Lao hăng Khul ling tơhan Việt Nam hmâo gum hrŏm pioh hmâo tơlơi rơngai, dưi pô ăt kah hăng pơgang tơlơi rơngai, dưi pô hăng pơhlôm đơ đam 2 bôh dêh čar. Tơdơi kơ hrơi tlaih rơngai, khul ling tơhan dua bôh dêh čar Việt Nam - Lao ƀu kơnong kơ kơtưn bruă rô nao rai sui thun hăng anai kơplah wah dua khul ling tơhan ôh mơ̆, dô̆ pơtrut gum hrŏm ba glăi bôh tơhnal amăng kơsem min bôh thâo phrâo, biă ñu bruă ling tơhan dua bơnah gum hrŏm ngă tui truh kih hơdôm bruă breh gep bôh ƀleh blung a, pok tơbiă jơlan nao phrâo amăng bruă bơwih brơi tơlơi suaih pral kơ mơnuih ƀôn sang mơ̆ng khul ling tơhan mă bruă ia jrao dêh čar Lao

VOV4.Jarai – Tơtăng ară drah ƀudah dô̆ iâo lĕ drah nur, jing sa tơlơi ruă juăt ƀuh ƀu kơnong kơ ƀơi mơnuih tha rơma ôh mơ̆ ră anai tơlơi ruă anai glăk hmâo lu ƀơi ƀing dô̆ hlăk ai. Tơtăng ară drah dưi lăng lĕ pô pơdjai mơnuih ƀu thâo hlâo hăng hmâo lu jơlan pơdah pơplih amăng drơi jăn kơtang hăng mơnuih ruă, biă ñu hmâo rơbêh kơ 50% mrô mơnuih hmâo tơlơi ruă ară drah tơtăng ƀu thâo hmâo tơlơi ruă. Yua kơ anun, bruă thâo hăng pơjrao tañ jing yôm phăn biă pioh pơgang hlôm hlâo pơplih mơ̆ng tơlơi ruă anai.

VOV4.Jarai-Kman pơblih phrâo klin anai ƀă hmar hloh hăng anăn JN.1, ngă kơ lu mơnuih ƀă hăng djai ƀơi hơdôm dêh čar, amăng anun hơmâo kual Đông Nam Á. Ƀơi Việt Nam, boh tơhnal kơsem min, ĕp lăng gen giăm 20 čô mơnuih ƀă Covid 19 phrâo anai, ƀă kman pơblih mơ̆ng Omicron JN.1. Ƀing phrâo ƀă kman anai ƀuh ruă kraih, kơtang tui laih anun ƀing aka ƀu tlâ̆o djop arăt ia jrao pơgang tui tơlơi pơtă hlâo. Lăp bơngơ̆t biă mă ñu, mrô mơnuih ƀă mut đih pơ sang ia jrao yua ƀă klin Covid 19 ƀơi sang ia jrao ƀrư̆ hrơi lu tui amăng hơdôm rơwang hrơi tơjuh giăm anai, anun yơh kiăng anom bruă ia jrao hăng mơnuih ƀôn sang anăm ngă amưng ôh, ƀu kơđiăng lơ̆m hyu ngui amăng bơyan têt thun phrâo anai.

VOV4.Jarai-Pơsit tong bruă pơhlôm mơnong ƀong huă hơdjă ƀu djơ̆ kơnong bơdjơ̆ nao tơlơi suaih pral kơ abih bang mơnuih đôč ôh mơ̆ ăt bơdjơ̆ nao bruă pơđĭ kyar bơwih ƀong huă-mơnuih mơnam amăng ƀon lan. Kiăng pơhlôm brơi mơnuih ƀôn sang čơkă Tết tui phiăn juăt Giáp Thìn hăng ngui bơyan bơnga rơnuk rơnua, suaih pral, Khul git gai pơlir djop gơnong bruă amăng pơhlôm mơnong ƀong huă hơdjă tơring čar Dak Lak hơmâo ngă hăng glăk git gai ngă tui khut khăt bruă pơhlôm mơnong ƀong huă hơdjă amăng tơring čar.

VOV4.Jarai-Giăm truh hrơi ngă yang thun phrâo, ƀong têt anŏ kiăng blơi yua gơnam ƀong huă mơ̆ng mơnuih ƀôn sang lu biă mă ƀơi tơring čar Dak Lak, anai lĕ mông hơmâo lu gơnam sĭ mơdrô ƀu rơđah phun tơdŭ laih anun gơnam ƀu hơdjă rơgoh arăng juăt ba sĭ ngă huăl (wơ̆l) amăng gơnam sĭ mơdrô hiam klă. Kiăng pơgang brơi mơnuih ƀôn sang blơi yua hơđong laih anun pơgăn tơlơi soh glăi bruă pơgang hơdjă mơnong ƀong huă, lu khul tơhan kơnuk kơna kơtưn sem lăng tong ten gơnam sĭ mơdrô.

VOV4.Jarai – Bơbrah tuă bem pơjing ia hñir lĕ tơlơi ruă hmâo lu gah đah rơkơi thun tha rơma yua kơ drơi jăn pơplih. Anai lĕ tơlơi ruă juăt bưp dŏng tal 3 tơdơi kơ ruă kôl amruih bôh ƀleh hăng ƀă kơman bem pơjing ia hñir. Tơlơi ruă bơdjơ̆ nao lu tơlơi suaih pral pô ruă, khă hnun hai, ƀu hmâo ƀiă mơnuih ruă ăt ƀu đing nao mơn lơm thâo hmâo tơlơi ruă ƀu nao pel ĕp, pơjrao tañ ngă tơlơi ruă ba truh pơplih bơbeč djơ̆ tơlơi suaih pral, đa lĕ pơhuĭ truh tơlơi djai hơdip.

VOV4.Jarai-Thun 2024, Khul git gai dêh čar pơsur pơyơr drah gir run pơtrut pơsur kiăng dưi mă giăm 1,6 klăk anung drah.

VOV4.Jarai – Anom bruă ia jrao tơring glông Čư̆ Sê (Gia Lai) phrâo tŭ mă 3 adơi ayong ruă măt yua ƀong mơnong hăng bôh ajĭ arŏ. Ră anai 2 čô čơđai djai laih, 1 čô glăk dô̆ pơjrao ječ.