VOV4.Jarai - Jơnum đơ đam dêh čar Khul nai ia jrao hlăk ai Việt Nam tal IV, rơwang thun 2020-2025 pơsit tong: “Nai ia jrao hlăk ai djru bruă yua kơ dêh čar Việt Nam suaih pral” hăng pok pơhai 2 jơlan hơdră: “Nai ia jrao hlăk ai ba jơlan hlâo, thâo pơčeh phrâo amăng kơsem minh hăng pơplih klă dong” hăng “Nai ia jrao hlăk ai ba jơlan hlâo, djru bruă yua kơ tơlơi suaih pral kơ abih bang mơnuih”. Amăng hrơi blan laih rơgao, Khul ia jrao hlăk ai djop ƀon lan đơ đam dêh čar glăk pok pơhai hơdôm jơlan hơdră anun.

VOV4.Jarai – Sui hăng anai, djuai ania Tày thâo yua hla kyâo hăng hơdôm djuai phun jrao pơjrao tơlơi ruă. Mơ̆ng akô̆ plơi, tlôn plơi truh kơ hơdôm blah glai kơmrong, neh wa leng kơ dưi ĕp ƀuh hơdôm phun jrao, samơ̆ djuai ania Tày rim kual glăi hmâo hơdră pơkĕ pơhrua hrŏm pioh hmâo hơdôm mơta jrao pơjrao tơlơi ruă pha ra. Črăn hơdră “Tơlơi suaih pral kơ djop mơnuih” tal rơnuč thun 2023, ƀing ta nao pơ̆ čư̆ gah Ngŏ Kơdư hơduah ĕp lăng bruă pơkra jrao mơ̆ng rok kyâo gah djuai ania Tày ƀơi tơring glông Ba Chẽ, tơring čar Quảng Ninh.

VOV4.Jarai - Tom brơi (22/12), Anom bruă pơgang tơlơi duam ruă tơring čar Gia Lai brơi thâo hơmâo dong sa čô mơnuih djai yua djơ̆ tuai ƀơi tơring glông Đức Cơ.

VOV4.Jarai – Mơguah lơ 22/12, Khul ơi ia jrao hlăk ai tơring čar Dak Lak pơphun jơnum tal 4. Tơhnal ba tơbiă mơ̆ng khul pơ̆ anăp anai lĕ ngă tui hơdôm bruă mă gum djru yua kơ tơlơi suaih pral mơnuih mơnam; pơtrut kơtang bruă mă mơ̆ng grŭp Ơi ia jrao hlăk ai ƀơi hơdôm anih anom mơnuih ƀôn sang dô̆.

VOV4.Jarai – Mơ̆ng amĭ ƀă pơ ană jing sa amăng 3 jơlan ƀă hyu mơ̆ng HIV. Yua hnun, hăng ƀing đah kơmơi hơmâo kman HIV, kiăng biă hơmâo ană suaih pral. Hrơi blan ngă amĭ mơ̆ng ƀing gơñu ƀu amuñ ôh, yua dah gơñu hơmâo lu tơlơi tơnap mơ̆ng tơlơi ruă ngă. Khă hnun, hơdôm thun giăm anai, yua ia jrao ƀơ ƀrư̆ pơplih tui, đah kơmơi ruă HIV ƀudah wơ̆t hăng sang anŏ hơmâo amĭ ama hlao ƀă HIV dưi tơkeng rai ană suaih pral mơn yua nao pơ sang ia jrao, pơgang hlâo, djru plai ƀiă ƀă HIV mơ̆ng amĭ.

VOV4.Jarai-Anom bruă sem lăng tơlơi duăm ruă tơring čar Gia Lai phrâo čih pioh hơmâo sa čô dơ̆ng mơnuih djai yua kơ kman asâo yang ngă djơ̆ tuai kĕ ƀơi tơring glông Čư̆ Sê, đĭ tui mrô mơnuih ruă kman djơ̆ tuai ƀơi Gia Lai truh 13 čô, lu hloh amăng dêh čar yap mơ̆ng akŏ thun truh ră anai.

VOV4.Jarai - Tui hăng mrô jŭ yap mơ̆ng Anom bruă pơgang klin duam ruă (CDC) tơring čar Dak Lăk, yap truh lơ 12/12/2023, tơring čar hơmâo čih pioh giăm 5000 čô mơnuih duam đung drah, amăng anun hơmâo 6 čô mơnuih djai. Tơlơi ngă ƀing ta bơngơ̆t lĕ, amăng mrô mơnuih djai, hơmâo truh 4 čô lĕ čơđai yŭ kơ 15 thun. Yua hnun, amĭ ama ƀing čơđai kiăng kơđiăng, biă ñu lĕ čơđai rơmŏng plên, hơmâo tơlơi ruă hơđăp lơ̆m duam đung drah amuñ ruă kơtang, hŭi rơhyưt, laih amun amuñ djai biă.

VOV4.Jarai-Ƀing čơđai anet juăt tơpư̆ hyu đơi, ngor kơtang ta juăt lăi ƀing čơđai ngăi, ƀu dŏ ha dơnong, tơdah tơpư̆ tơpeñ kraih đơi, ñu ƀu kơđiăng ôh kơ drơi jăn pô, ngă pơtrun hĭ tơlơi pơmin hiam klă, rung răng amăng lăm anŏ  pơđĭ kyar juăt hơmâo ƀơi ƀing čơđai mơ̆ng 3-11 thun, kiăng tañ thâo hăng pơjrao hmao kru, huăi bơbeč djơ̆ kơ tơlơi pơmin, pran jua, bruă mă hăng tơlơi hơdip mơda čơđai muai tơdơi anai.

VOV4.Jarai-Tui hăng ơi ia jrao Phạm Hoài An, Sang ia jrao prong Thiện Hạnh, tơring čar Dak Lak, tlam lơ 22/11, Anom tŭ jum pơjrao ječ ameč sang ia jrao anai hơmâo čơkă 17 čô čơđai sang hră mut đih pơ sang ia jrao mưn ƀuh măt mơnong ƀong huă.

VOV4.Jarai – Ruă pơđoh tơbiă ia sik type 2 lĕ tơlơi ruă huĭ rơhyư̆t hăng mrô mơnuih djai dŏng tal 3 ƀơi rŏng lŏn tơnah, kơnong kơ tơdơi kơ tơlơi ruă bơbrŭ asar hăng ruă ară drah hơtai bôh. Tơlơi ruă anai tơdah ƀu thâo hăng pơjrao tañ amra ba truh hơdôm tơlơi pơplih huĭ rơhyưt ngă pô ruă jô drơi jăn hăng bŏng glăi hơdôm tơlơi tơnap him hlâo kơ tơlơi suaih pral, tơlơi hơdip. Khă hnun hai, tơlơi lăp bơngot lĕ tơlơi ruă ƀong tui ƀơƀrư̆ amăng drơi jăn, kah hăng abih bang hơdôm mơnuih ruă kơnong kơ thâo tơdơi kơ hmâo tơlơi pơplih gah ară drah hơtai bôh, mơta lăng ƀu rơđah, tơdu bôh ƀleh, kơđeng tơkai tơngan...