Hơmâo na nao čơđai ƀă duăm pơđeh ƀlĕ hmơi, Dak Lak pơtrut tlâ̆o ia jrao vaccine pơgang
Thứ ba, 15:57, 16/07/2024
VOV Tây Nguyên/Nay Jek pơblang
![VOV Tây Nguyên/Nay Jek pơblang](/themes/custom/vov_4/images/avatar.png)
VOV4.Jarai-Hơdôm hrơi laih rơgao, tơring čar Dak Lak hơmâo čih pioh na nao hơmâo 4 čô čơđai duăm pơđeh ƀlĕ hmơi, pơđĭ tui mrô čơđai ƀlĕ pơđeh amăng drơi jăn truh 5 čô.
Kiăng pơgăn kman duăm ƀă hyu ngă ƀlĕ hmơi, pơđeh amăng drơi jăn, anom bruă gah ia jrao pơtrut brơi jŭ yap hăng tlâ̆o vaccine pơgang ƀlĕ hmơi kơ čơđai muai. 5 čô čơđai phrâo ƀă anai hơmâo ƀơi tơring glông Čư̆ Kuin, Ƀuôn Đôn, Krông Ƀŭk hăng plơi prong Ƀuôn Ma Thuôt. Amăng anun, hơmâo 3 čô čơđai aka ƀu tlâ̆o vaccine pơgang.
![Ƀing čơđai duăm pơđeh ƀlĕ hmơi hlăk dŏ pơjrao ƀơi sang ia jrao prong kual Dap Kơdư](https://vov4-media.solidtech.vn/sites/default/files/styles/large/public/2024-07/dieu_tri_soi_tai_bv_tay_nguyen_2.jpg)
Tui hăng ơi Hoàng Hải Phúc, Khua anom bruă sem lăng kman duăm ruă tơring čar Dak Lak, phun ñu hơmâo glăi duăm pơđeh ƀlĕ hmơi lar tui lu giăm anai, yua kơ tơring čar ƀu djop ia jrao vaccine pơhlôm ƀlĕ hmơi thun 2023 hăng hơdôm blan akŏ thun 2024. Ră anai ia jrao vaccine djop laih, tơring čar git gai brơi hyu ĕp lăng jŭ yap hăng tlâ̆o pơgang kơ ƀing čơđai aka ƀu tlâ̆o ƀudah tlâ̆o aka ƀu djop arăt jrao pơgang.
Viết bình luận