Pô ruă tơkeng thun 2013, ƀơi phường Thành Công, plơi prong Buôn Ma Thuột, tơring čar Dak Lak. Tui hăng sang pô ruă, lơ 10/8, pô ruă pơdah gah rơngiao pơ-iă drơi jăn na nao, glêh lu biă hăng dưi hmâo mơnuih amăng sang brơi mơñum ia jrao hlưh pơ-iă samơ̆ tơlơi ruă ƀu plai ƀiă ôh, anun ba nao pơ̆ Sang ia jrao pơjrao tơlơi ruă čơđai muai Đức Tâm pơjrao.

Lơ 14/8, tơlơi ruă ngă kơtang tui anun ba nao pơ̆ Sang ia jrao prong kual Dap Kơdư pơjrao hăng pơkă lĕ kơañăk hăng duam pơđung drah Dengue. Lơ 15/8 tơlơi ruă ngă krăih hăng hlong djai. Tơdơi kơ čih pô djai yua kơ duam pơđung drah mơtăm, CDC hmâo gum hrŏm laih hăng Anom ia jrao plơi prong Buôn Ma Thuột pok pơhai hơdôm bruă pel ĕp, pơsir anih anom dô̆, pơphun pruih jrao pơdjai keč ƀơi kual čih hmâo mơnuih ruă. Mơ̆ng akô̆ thun 2024 truh ră anai, tơring čar Dak Lak čih hmâo 1.453 čô mơnuih duam pơđung drah, amăng anun hmâo sa čô mơnuih djai./.