Tơdơi kơ pơmut glăi tơring čar, Dak Lak hơmâo 3 klăk 300 rơbâo čô mơnuih ƀôn sang. Ngă tui Hră pơtrun mrô 72 mơ̆ng Ding jum kơđi čar, Jơnum min mơnuih ƀôn sang tơring čar Dak Lak hơmâo mă yua 400 klai prăk pioh pơphun brơi bruă pơkă lăng tơlơi suaih pral rim rơwư̆, kiăng ƀuh hơmâo tơlơi duăm ruă huăi apah prăk, djru soh sel kơ abih bang mơnuih ƀôn sang.

Ră anai, hơmâo 2 klăk 8 rơbâo čô mơnuih ƀôn sang nao pơkă lăng tơlơi suaih pral, dưi ngă djop 67% rơnoh jao. Lu plơi pla, mrô mơnuih ƀôn sang nao pơkă lăng lu hloh anŏ pơkă dưm dưm lĕ kah hăng hơdôm să Sông Hing, Tây Hòa, Ea Rok….Kiăng hơmâo boh tơhnal djơh hăng anai, tơring čar Dak Lak hơmâo dăp hơdră tum teč, rơđah rơđong hloh mơ̆ng tơring čar truh pơ plơi pla; anom bruă ia jrao hăng gong gai plơi pla djop gưl djru hrŏm. Ră anai, Dak Lak hlăk pơphun brơi nao khul grup nai ia jrao, ơi ia jrao hyu pơ djop plơi pla kual ataih, kual asuek, anih tơnap tap, giăm guai dêh čar, kiăng ngă giong bruă pơkă lăng tơlơi suaih pral kơ abih bang mơnuih ƀôns ang amăng thun anai.