Mơnuih djai lĕ anăn H.B.K 58 thun, dŏ ƀơi Ƀuôn Ea Măp, să Quảng Phú, tơring čar Dak Lak. Ƀơi sang ia jrao prong kual Dap Kơdư, pô duăm anun arăng pơsit duăm đung drah ƀă kman Dengue hrơi tal 6 laih, kraih biă mă, ƀlĕ đung drah amăng alăk mơta, ƀlĕ drah phun tơgơi, krăp lăng ƀlĕ drah amăng lăm pruăi dơ̆ng.

Mơnuih duăm hơmâo tơlơi ruă hlâo drah nur čơtăng arăt hăng ruă mơ-ñă ia sik tuyp 2. Hlâo kơ anun, sa čô mơnuih duăm lĕ đah rơkơi tha rơma laih mơ̆n, dŏ ƀơi phường Tân An, tơring čar Dak Lak djai yua duăm đung drah ƀơi sang ia jrao prong kual Dap Kơdư mơ̆n, kơnôl 30/7. Tui anun yơh, mơ̆ng akŏ thun truh ră anai, tơring čar Dak Lak hơmâo 6.012 čô mơnuih duăm đung drah ƀơi 252 bit anih hơmâo klin amăng 24 boh să, phường amăng tơring čar, lu hloh hăng thun hlâo 30%.