Ƀơi anăp tơlơi hŭi rơhyưt kman djơ̆ tuai, Gơnong bruă ia jrao tơring čar Lâm Đồng kiăng Anom bruă pơgang klin duam ruă tơring čar krăp lăng, ĕp ƀuh anŏ bơdjơ̆ nao kman djơ̆ tuai, biă ñu asâo, eo đing djơ̆ tuai; asâo kĕ lu mơnuih; hlô rông ƀu-ai, djai ƀu thâo yua hơget, laih anun mơnuih mơ̆ asâo, eo kĕ kuač amuñ či ƀă kman.

Gơnong bruă ia jrao kiăng ngă hrŏm hăng anom bruă pơjrao hlô wơ̆t hăng gong gai či hơduah ĕp, pơsit hlô đing ƀă kman djơ̆ tuai; laih dong pơtrut pôr pơhing amăng plơi pla, sang hră, hăng hơdôm bit anih amuñ hơmâo kman djơ̆ tuai hloh. Gơnong bruă ia jrao Lâm Đồng pơtă hlâo, lơ̆m asâo, eo kĕ, kuač, mơnuih ƀôn sang kiăng rao rơgoh nam rơka hăng ia čơƀu ƀudah ia ƀlăng hơdjă, tơdơi kơ anun nao hlao pơ sang ia jrao kiăng hơmâo lăng ba, pơkra brơi, tlâ̆o vắc xin pơgang kman djơ̆ tuai hmao kru./.