Jơnum min mơnuih ƀôn sang tơring čar Dak Lăk mă yua 400 klai prăk mơ̆ng mrô prăk pơhrui rơgao kơ hơnong pơkă laih anun prăk dŏ glăi kiăng mă yua mơ̆ng tơring čar thun 2025, či pơpha hyu kơ hơdôm boh tơring ngă bruă pơkă lăng, ĕp ƀuh tơlơi ruă nuă mơ̆ng mơnuih ƀôn sang thun 2026. Laih dong, Jơnum min mơnuih ƀôn sang tơring čar jao kơ Gơnong bruă prăk ngă hrŏm hăng Gơnong bruă ia jrao Dak Lăk pơpha hyu prăk kơ hơdôm boh să, phường či ngă bruă.

Gơnong bruă ia jrao Dak Lăk brơi thâo, ră anai prăk hơmâo prăp lui giong laih, gơnong bruă hơmâo laih mơn hră pơčrâo trun pơtô ba hơdôm boh să, phường akŏ pơdong rim boh să phường sa Khul git gai pơkă tơlơi suaih pral kơ mơnuih ƀôn sang, amăng anun hơmâo pô mơ̆ng sang ia jrao, Khul mơnuih tha rơma, Khul mơnuih rơwen rơwô, hơdôm khul grup amăng tơring./.