Dua čô djai leng kơ djơ̆ kman mơ̆ng asâo, eo, samơ̆ ƀu hơmâo tlâ̆o vắc xin pơgang djơ̆ tuai ôh tơdơi kơ hơmâo asâo, eo kĕ. Sa lĕ nô K.S (6thun), plơi Đoàn Kết Ó-Kly, să Ia Tôr, tơring čar Gia Lai. Dua lĕ mô̆ K.P.T (4 thun), dŏ pơ plơi Ia Kênh, să Gào, djai yua djơ̆ tuai mơn. Tui anun, mơ̆ng akŏ thun 2026 truh kơ ră anai, Gia Lai hơmâo 5 čô laih djai djơ̆ tuai.

Gơnong bruă ia jrao Gia Lai pơtă hlâo, lơ̆m asâo, eo kĕ, kuač, ƀudah lah djơ̆ nam rơka, ƀing ta kiăng rao rơgoh nam rơka hăng ia čơƀu, rao hăng ia rô tơtăng, rao ia pơdjai kman, laih anun nao hlao pơ sang ia jrao či sem lăng, tlâ̆o vắc xin, pơmut dah pơgang kman djơ̆ tuai kiăo tui ơi ia jrao pơtô brơi./.