VOV4.Jarai – Tơlơi pơhing kơ tơlơi lu mơnuih ƀôn sang tơring čar Dak Nông ƀu mơ-ak pran jua amăng plăng face book yua kơ khom nao blơi gơnam tam ia jrao pioh yua kơ sang ia jrao breh pơjrao, khua Sang ia jrao prong tơring čar Dak Nông hmâo pơsit laih tơlơi anai.

VOV4.Jarai – Tơlơi ruă drah nur hơtai bôh ƀudah arăng juăt iâo ruă rơbut đih djai hơngol lĕ yua kơ hơtai bôh kơƀah drah ba truh hăng ară pơđoh drah kron hĭ, anun lĕ ară drah rông hơtai bôh dol hĭ ƀu hmao thâo amăng glông ară drah. Tơdah mrô drah ƀu dưi hơkrŭ glăi tañ, drah amra nur hơtai bôh kơtang ba truh ruă ară hơtai na nao hăng ba truh kơ djai hlao. Yua anun, bruă pơjrao ječ, biă ñu amăng 6 mông blung a, mông dưi lăng lĕ mông “yôm”, lom tơlơi ruă pơphun hmâo jing yôm phăn biă, amra djru pô ruă tơtlaih mơ̆ng tơlơi huĭ rơhyưt.

VOV4.Jarai – Amăng hơdôm thun rơgao, tơring čar Dak Lak hmâo pok pơhai laih lu hơdră bruă ngă pơhưč ơi nai ia jrao nao mă bruă pơ̆ plơi pla, samơ̆ yua kơ lu bruă mă hrŏm hăng rơnoh prăk blan akă lăp djơ̆ anun ƀu dưi ngă pơhưč ƀing ơi, nai ia jrao nao mă bruă ƀơi plơi pla. Tơlơi anai bơdjơ̆ truh ƀu anet ôh bruă pel ĕp, pơjrao tơlơi duam ruă, tơlơi rơgao hơnong mơnuih ruă nao pơjrao ăt hmâo mơn ƀơi lu anih anom.

VOV4.Jarai - Ƀơi Dak Lak, duam đung drah glăk hơđuh đĭ kơtang, mơnuih ƀôn sang ăt dŏ pơtah hơtai amăng bruă pơgang.

VOV4.Jarai-Lơm ruă boh ƀleh, hơdôm anih jum dar boh ƀleh anun lĕ anih ngă bơkơnar, ngă hơđong, glông soh đuăi ia măt ngă sat amăng drơi jăn tơbiă gah rơngiao tui glông ia mơañă amra tơdu trun. Yua anun, hơdôm ia sat kiăng pơđoh đuăi, ia măt amra đôm amăng drơi jăn. Hăng tơdah ƀu hlong hĭ drah hmao tlôn, na nao, drơi jăn mơnuih ruă amra tơdu trun kơtang hloh, đa ngă hŭi rơhyưt brơi mơnuih ruă kă.

VOV4.Jarai - Ƀrô tal anai, kông ti 715 ăt jao 300 gơnam brơi ƀing mơnuih tui hơdră djru amăng tơring glông Ia Grai.

VOV4.Jarai-Klin duam đung drah glăk hơđuh kơtang ƀơi Gia Lai. Anom apăn bruă glăk pơƀut pơgang klin anai.

VOV4.Jarai – Neh met wa hăng ƀing gơyut khăp! Tơlơi ruă pơđoh tơbiă ia sik hăng mơnuih pikian lĕ tơlơi mrô ia sik amăng drah lu hloh rơnoh hơnong juăt hmâo, ñu truh lơm đah kơmơi pikian, juăt dưi pơčrang lăng drah, thâo mơng rơwang hrơi pikian 24 truh kơ 28 rơwang hrơi tơjuh. Tơdah tơlơi ruă ƀu dưi pơkă lăng hlâo hăng pơjrao hmao tlôn amra pioh glăi anô̆ pơplih amăng drơi jăn bơdjơ̆ nao tơlơi suaih pral pô amĭ hăng ană nge amăng kian.

VOV4.Jarai-Hrơi blan ngă tui hơdră djru prăk kơ ƀing ơi ia jrao ƀơi Kon Tum mơ̆ng lơ 1/1/2022 truh lơ 31/12/2023 hăng rơnoh prăk truh 68 klai prăk.

VOV4.Jarai – Amăng blan 6/2023, tơring čar Dak Lak čih hmâo 2 čô čơđai ruă bơbrah glô Nhật Bản. Anai lĕ sa amăng hơdôm tơlơi ruă tưp huĭ rơhyưt, ngă bơdjơ̆ nao ară glô, pioh glăi sat kơ drơi jăn đa ba truh kơ djai hlao mơtăm lơm čơđai hmâo tơlơi ruă anai.