Mơng thun 2023 truh lơ 19/3/2024, tơring čar Dak Lak hơmâo 8 čô mơnuih djai yua djơ̆ tuai, lu tal 3 đơ đam dêh čar. Kơnong mơng akŏ thun truh ră anai, tơring čar hơmâo laih 4 čô mơnuih djai yua djơ̆ tuai, bơkơnar hăng mrô mơnuih djai yua djơ̆ tuai amăng thun 2023.

Jơnum min mơnuih ƀôn sang tơring čar Dak Lak brơi thâo, kiăng kơ pơgang kman djơ̆ tuai kah hăng plai ƀiă mơnuih djai yua djơ̆ tuai, gơnong bruă bơdjơ̆ nao hăng hơdôm boh ƀon lan kiăng đing nao djop mơta kiăng ngă tui khut khăt bruă pơgang kman djơ̆ tuai mơ̆ tơring čar hơmâo pơtrun. Tui Jơnum min mơnuih ƀôn sang tơring čar , hơdră pơgang klă hloh kiăng plai ƀiă ƀuh mơnuih djơ̆ tuai, anun lĕ tlâ̆o vaccine pơgang kman brơi rơbêh 70% mrô asâo, eo rơwang thun 2022-2025, anăp nao 80% amăng rơwang thun 2026-2030.