Thun 2023, đơ đam dêh čar ta hơmâo 82 čô mơnuih djai yua kman djơ̆ tuai, kơnong amăng kual Dap Kơdư hơmâo 20 čô, amăng anun tơring čar Gia Lai 14 čô hăng Dak Lak 4 čô. Amăng 3 blan akŏ thun anai, đơ đam dêh čar ta hơmâo 27 čô mơnuih djai yua tơlơi ruă kman djơ̆ tuai, kơnong ƀơi Dak Lak 4 čô, Gia Lai 2 čô. Lơ̆m anun, abih 2 boh tơring čar anai mrô tlâ̆o ia jrao vaccine pơgang djơ̆ tuai ƀiă hloh amăng kual. Gia Lai kiah tlâ̆o pơgang 19% hăng Dak Lak kiah tlâ̆o pơgang 37%.

Tui hăng ơi Viên Chính Chiến, Khua anom bruă ia jrao pơgang kual Dap Kơdư, tơlơi či hơmâo ƀă kman djơ̆ tuai lu biă mă amăng bơyan phang adai không pơ-iă. Yua kơ anun, djop tơring čar kiăng pơsir khut khăt hloh amăng bruă wai lăng asâo, eo mơnuih ƀôn sang rông amăng sang anŏ; pơtrut brơi tlâ̆o ia jrao vaccine pơgang kman djơ̆ tuai djop laih anun kơtưn pơtô pơblang brơi mơnuih ƀôn sang thâo hluh tơlơi hŭi rơhyưt mơ̆ng kman djơ̆ tuai yua eo, asâo kĕ.