Tui hăng anun, Gơnong bruă ia jrao ƀôn prong Hồ Chí Minh amra djru anom bruă ia jrao djop tơring čar amăng kual Dap Kơdư kiăng pơđĭ tui boh tŭ yua pơhlôm, pơgang tơlơi duăm ruă; djru bruă pơtô ba hơdră pơjrao rơgơi hăng djop sang ia jrao prong, anom bruă pơjrao tal rơnuč amăng ƀôn prong Hồ Chí Minh hăng hơdôm sang ia jrao prong ƀơi kual Dap Kơdư.
Ơi Nay Phila, Khua Gơnong bruă ia jrao tơring čar Dak Lak brơi thâo, tơdơi kơ tŭ ư nao rai hơdôm bruă mă či ngă hrŏm, Gơnong bruă ia jrao hơmâo ngă hră pơtrun git gai djop sang ia jrao amăng tơring čar dăp hơdră tum teč rơđah rơđong, pok pơhai tŭ yua boh yôm phun ngă hrŏm. Him lăng tơdơi kơ mơ̆ng 3-6 blan, anom bruă ia jrao tơring čar Dak Lak amra thâo ba yua boh thâo ia rơgơi pơjrao hơdôm tơlơi duăm ruă kraih, tơnap tap mơ̆ tui hăng ƀôn prong Hồ Chí Minh tom ngă hăng hlăk ngă tui.
Viết bình luận