Mơ̆ng 1 wơ̆t hrơi tơjuh pơphun ngă, hơdôm boh tơring hơmâo tlâ̆o rơbêh 50% akŏ bruă. Amăng mrô rơbêh 38 rơbâo arăt vắc xin pơgang kman djơ̆ tuai kơ pŭ asâo, eo, plơi prong Buôn Ma Thuột jing anih hơmâo lu hloh hăng rơbêh 7.500 arăt, 3 boh tơring hơmâo brơi rơbêh 4 rơbâo arăt lĕ hơdôm boh tơring glông kah hăng Čư̆ Kuin, Krông Pač hăng Ea H’Leo.

Ră anai, anom bruă pơjrao hlô mơnŏng hơmâo pơtŏp brơi ƀing ngă bruă pơjrao hlô tlâ̆o pơgang, pơhlôm tlâ̆o djơ̆ lăp hăng rơnuk rơnua kơ mơnuih nao tlâ̆o; đĭ rơdêh hyu pôr pơhing pơ hơdôm boh tơring glông, plơi prong amăng hrơi tlâ̆o pơgang kman djơ̆ tuai. Laih dong git gai hơdôm Anih rông hlô hăng Pơjrao hlô prăp rơmet tlâ̆o jrao pơgang tui hơdră čih anăn tlâ̆o ƀơi sa anih hơđong mơtăm, laih anun akŏ pơdong grup hyu tlâ̆o amăng plơi pla, tlâ̆o tơl sang ană plơi.